Janhvi Kapoor with Boyfriend Shikhar Pahariya: जान्हवी कपूर सध्या तिचा कथित बॉयफ्रेंड शिखर पहाडियासोबतच्या बातम्यांमुळे भलतीच चर्चेत आली आहे. आज शिखरचा वाढदिवस असल्याकारणानं जान्हवीनं त्याच्यासोबत थेट गाठलं आंध्रप्रदेशातील तिरुपती बालाजी मंदीर.

सोशल मीडियावर जान्हवी कपूरचा मंदिरात दर्शन घेतानाचा व्हिडीओ व्हायरल होताना दिसत आहे.(Janhvi Kapoor with Boyfriend Shikhar Pahariya at Tirupati Balaji Temple Video Viral)

जान्हवी कपूरनं तिच्या अधिकृत इन्स्टाग्राम अकाउंटवर एक स्टोरी शेअर केली आहे. ज्यात शिखरला ती वाढदिवसाच्या शुभेच्छा देताना दिसत आहे. तिनं फोटो शेअर केला आहे ज्यामध्ये ती शिखर सोबत दिसत आहे. तसंच तिची बहिण खुशी कपूरनं देखील शिखर पहाडियाला वाढदिवसाच्या शुभेच्छा देत एक फोटो शेअर केला आहे.

हेही वाचा: शॉर्ट सेलर्स म्हणजे नक्की कोण?

आपली छोटी बहिण खुशी कपूरसोबत जान्हवीनं अगदी साग्रसंगीत पूजा करत बालाजीचं दर्शन घेतलं. व्हिडीओमध्ये देवासमोर माथा टेकत..हात जोडून प्रार्थना करताना दिसली जान्हवी. तिनं सोशल मीडियावर फोटो शेअर करताच तो व्हायरल झाला आहे.

व्हायरल व्हिडीओत जान्हवी आणि खुशी दाक्षिणात्य पारंपरिक पेहराव केलेल्या दिसत आहेत. तर शिखर देखील धोती घालून दिसत आहे. या व्हिडीओवर चाहत्यांनी कमेंटच्या माध्यमातून प्रेमाचा वर्षाव केला आहे. जान्हवी कपूरसोबत मंदिरात तिच्या कुटुंबातील काहीजण देखील दिसत आहेत.

जान्हवी आणि शिखर यांना अनेकदा एकत्र स्पॉट केलं गेलं. काही दिवसांपूर्वी शिखर एका इव्हेंट दरम्यान अभिनेत्रीच्या कुटुंबासोबत दिसला होता.

बोललं जात आहे की जान्हवी कपूर बॉलीवूडनंतर आता दाक्षिणात्य सिनेमात पदार्पण करते आहे. तिनं काही दिवसांपूर्वीच 'एनटीआर ३०' चं शूटिंग सुरू केलं आहे. या सिनेमात ज्युनिअर एनटीआर सोबत जान्हवी स्क्रीन शेअर करताना दिसणार आहे.