टीव्हीवरील लोकप्रिय जोडपे माही विज आणि जय भानुशाली हे नेहमी लाइमलाईटमध्ये राहतात. त्यांच्याबरोबरच त्यांची मुलगी मुलगी तारा (माही देखील प्रसिद्धीच्या झोतात राहते. दोघेही मुलीमुळे चर्चेत राहतात. माही छोट्या पडद्यापासून दुर असली तरी ती सोशल मिडियावर खुप सक्रिय असते.
माहीने तिची मुलगी ताराच्या इंस्टाग्राम पेजवर एक व्हिडिओ पोस्ट केला. जो थोड्या वेळातच व्हायरल झाला. यामध्ये तारा ही नमाज पठण करतांना दिसत होती. तिचा हा व्हिडीओ व्हायरल होताच काही लोकांनी ताराला खुप ट्रोल केलं. लोकांनी तिला खुपच वाईट कमेंट केल्या.
या पोस्टला आलेल्या नकारात्मक कमेंटला आता अभिनेत्री माही विजने देखील चांगलाच उत्तर दिलं आहे. तिने ट्रोल करणाऱ्यांचा जोरदार क्लास घेतला.
त्यानंतर माहीने तिच्या मुलीचा आणखी एक व्हिडिओ शेयर केला आणि लिहिलं की, 'हे त्या मुर्ख लोकांसाठी आहे ज्यांनी धर्माची चेष्टा केली आहे. तुम्ही ताराला अनफॉलो करू शकता. तिला असंही द्वेष करणारे लोक नको आहेत.'
पुढे ती लिहिते, 'मी स्वतः एक आई असल्यानं मला माहित आहे की मी तिला काय शिकवत आहे. मनाने लहान असणाऱ्या लोकांना शुभेच्छा. इतका द्वेष पाहून वाईट वाटले. माझ्या मुलीची काळजी करू नका, तुमच्या मुलांना शिकवा.या व्हिडिओत माही आणि तारा एका मंदिरात प्रार्थना करताना दिसत आहे.'
आता माहीचा हा व्हिडिओ देखील सोशल मिडियावर व्हायरल झाला आहे. अनेकांनी तिचं समर्थन केलं आहे तर अनेकांनी तिच्यावर पुन्हा टिका केली आहे.
काही दिवसांपुर्वीही माही आणि तारा एका कार्यक्रमात दिसले होते. यावेळीही 4 वर्षांच्या ताराच्या चेहऱ्यावर लिपस्टिक आणि आय लाइनर लावल्याने नेटकऱ्यांनी माहीला ट्रोल केलं होते.त्यावेळीही माहीनं लोकांना सुनावलं होतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.