Jay Dudhane News: ‘बिग बॉस मराठी ३’ चा उपविजेता जय दुधाणेची बॅग त्याच्या कारमधून चोरीला गेली. ही घटना सोमवारी (१० जुलै) रात्री घडली. चोरट्यांनी कारची काच फोडून त्याची बॅग चोरली.

जयने घडलेल्या घटनेची माहिती सोशल मीडियावरून त्याच्या चाहत्यांना दिली आहे. त्याने इन्स्टाग्राम स्टोरीला फोटो शेअर केला होता. यात जयच्या गाडीची काच फुटल्याचं दिसतंय

(jay dudhane bigg boss fame actor expensive bag stolen from car actor shared incident)

जयने सोशल मिडीयाच्या इन्स्टाग्राम स्टोरीवर फोटो शेअर केलाय. यात त्याने कारची जी काच फुटलीय त्याची स्टोरी शेअर केलीय.

जयने त्याच्या चाहत्यांना सांगितले की तो सुरक्षित आहे, पण त्याची महागडी बॅग हरवली. जयने लिहिले, 'मित्रांनो, मी ठीक आहे, आणि माझी चौकशी केल्याबद्दल धन्यवाद.

कोणीतरी माझ्या गाडीची काच फोडली, आणि बॅग चोरी केली. तुम्ही तुमच्या गाड्या पार्क करता तेव्हा सावध रहा.' अशी पोस्ट जयने शेअर केलीय.

टाईम्स ऑफ इंडीयाच्या रिपोर्टनुसार, जयने आपली कार पार्किंग एरियात उभी केली होती, त्यानंतर तो कामासाठी निघून गेला. नेमकं त्याचवेळी चोरट्याने त्याच्या कारमधून बॅग चोरण्याची संधी साधली.

त्यामुळेच जयने त्याच्या चाहत्यांना त्यांच्या कार पार्क करताना सावधान राहण्याचे आवाहन केले. दरम्यान सेलिब्रिटींच्या कारमधून बॅग आणि महत्त्वाची कागदपत्रे चोरीला जाण्याची ही पहिलीच वेळ नाही.

यापूर्वी, निया शर्मा आणि कौशांक अरोरा यांच्यासह अनेक हिंदी टीव्ही सेलिब्रिटींच्या कारमधून त्यांच्या बॅग चोरीला गेल्या होत्या आणि त्यांनी त्याविरोधात तक्रारही दाखल केली होती. त्यामुळे जयने त्याच्या फॅन्सना कार पार्कींगला असताना सावधानता बाळगळण्याचा इशारा दिलाय.

जय ‘बिग बॉस मराठी ३’ चा उपविजेता होता. याशिवाय तो लवकरच महेश मांजरेकर दिग्दर्शित वेडात मराठे वीर दौडले सात सिनेमात झळकणार आहे.