Jio Mami Film Festival 2023: गेल्या अनेक दिवसांपासुन मुंबईत होणाऱ्या मामी फिल्म फेस्टिव्हलची सर्वांना उत्सुकता होती. अखेर मामी फिल्म फेस्टिव्हलचं काल मुंबईत शानदार उद्धाटन झालं.

मुंबईतील 10 दिवस चालणाऱ्या MAMI फिल्म फेस्टिव्हलच्या उद्घाटन समारंभाला इंडस्ट्रीतील अनेक सेलिब्रिटी उपस्थित होते. बॉलिवुड सेलिब्रिटींच्या उपस्थितीत मामी फिल्म फेस्टिव्हलला चार चाँद लागले.

नीता मुकेश अंबानी कल्चर सेंटरमध्ये (NMAAC) शुक्रवारी रात्री मुंबईत ५ नोव्हेंबरपर्यंत चालणाऱ्या या फेस्टिव्हलच्या उद्घाटनाला अनेक सेलिब्रिटींनी हजेरी लावली.

मामी फिल्म फेस्टिव्हलला प्रियंका चोप्रा खास लंडनहून फेस्टिव्हलमध्ये सहभागी होण्यासाठी आली होती. मामीची सुरुवात हंसल मेहता यांच्या 'द बकिंगहॅम मर्डर्स' या चित्रपटाने झाली. या सिनेमात करीना कपूर प्रमुख भुमिकेत आहे.

या मराठी सिनेमांची मामीमध्ये उत्सुकता

१० दिवस चालणाऱ्या MAMI फिल्म फेस्टिव्हलमध्ये 70 भाषांमधील 250 चित्रपट आणि लघुपट दाखवले जातील. मुंबईत आठ ठिकाणी हे चित्रपट दाखवले जाणार आहेत.

मामी फिल्म फेस्टिव्हलमध्ये १२३४, आत्मपॅफ्लेट, बाईपण भारी देवा, भंडारा, गुलमोहर, वाळवी, श्यामची आई, शुर्पणखा अशा सिनेमांचा समावेश आहे

मामी फिल्म फेस्टिव्हलमध्ये या हिंदी सिनेमांची उत्सुकता

MAMI फिल्म फेस्टिव्हलमध्ये अपर्णा सेनचा 'द रेपिस्ट', अनुराग कश्यपचा कोंकणा सेन शर्मा आणि अर्जुन रामपाल अभिनीत 'केनेडी', वरुण ग्रोव्हर दिग्दर्शित 'ऑल इंडिया रँक' सनी लिओन आणि राहुल भट्ट यांचा समावेश आहे. यावर्षी प्रदर्शित होणाऱ्या आंतरराष्ट्रीय शीर्षकांमध्ये ब्रॅडली कूपरच्या 'मेस्ट्रो'चाही समावेश आहे.

मामी फिल्म फेस्टिव्हलच्या उद्धाटन सोहळ्याला प्रियंका चोप्रा, एकता कपूर, करिश्मा कपूर, करीना कपूर खान, सैफ अली खान, कमल हासन, विधु विनोद चोप्रा, शबाना आजमी, सोनम कपूर, अली फजल, करण  जौहर, रितेश देशमुख, सनी लियोनी असे लोकप्रिय कलाकार उपस्थित होते