दाक्षिणात्य आणि बॉलीवूड सिनेमातनं काम केलेल्या काजल अग्रवालचं(Kajal Aggarwal) घर आता एका गोंडस बाळाच्या आवाजानं बहरणार आहे. अभिनेत्रीनं एका गोंडस मुलाला जन्म दिला आहे. पती गौतम किचलूसोबत अभिनेत्री आता आपलं आईपण एन्जॉय करण्यासाठी एकदम रेडी आहे. काजल अग्रवालने आपल्या प्रेग्नेंसीची माहिती सोशल मीडियावर पोस्टच्या माध्यमातून आपल्या चाहत्यांना दिली होती. आपल्या प्रेग्नेंसी काळात काजोलने खूप चांगल्या गोष्टीत आपला वेळ घालवला आहे. स्वतःला फिट ठेवत अभिनेत्रीनं योगा करण्याला जास्त प्राधान्य दिलं होतं. सोशल मीडियावर जशी काजल अग्रवालला मुलगा झाल्याची बातमी शेअर करण्यात आली तसं लगोलग तिच्या चाहत्यांनी तिच्यावर शुभेच्छांचा वर्षाव करण्यास सुरुवात केली.

फेब्रुवारी महिन्यात काजल अग्रवालचा डोहाळे जेवणाचा कार्यक्रम मोठ्या उत्साहात आप्तेष्टांच्या सान्निध्यात पार पडला होता. तिनं सोशल मीडियावर या सोहळ्याचे फोटो शेअर केले होते. या सोहळ्यात तिनं सुंदर बनारसी साडी नेसली होती. त्यावर मॅचिंग ब्लाऊज आणि ट्रेडिशनल ज्वेलरीचा साज तिला शोभून दिसत होता.

काजल अग्रालनं ३० ऑक्टोबर २०२० मध्ये अगदीच मोजक्या आप्तेष्ट-मित्रपरिवाराच्या उपस्थितीत लग्न केलं होतं. गौतम आणि काजोलची ओळख त्यांच्या एका कॉमन फ्रेंडच्या माध्यमातून झाली होती. त्यानंतर मैत्री झाली आणि मग तिचं प्रेमात रुपांतर झालं. कोरोनाच्या काळात त्यांना एकमेकांच्या सोबतीचं महत्त्व अधिक कळलं आणि त्यांनी लग्नाचा निर्णय घेतला. काजल सध्या सिने इंडस्ट्रीपासून दूर आहे. आता ती आपला पूर्ण वेळ बाळाला देणार आहे,त्यानंतर ती सिनेइंडस्ट्रीत काम करण्याचा विचार करेल. तिन मागे एका मुलाखतीत आपल्या भविष्यातील या प्लॅनिंगविषयी सांगितलं होतं.