सध्या सगळीकडे जोरदार चर्चा आहे, ती म्हणजे फक्त 'तानाजी : द अनसंग वॉरियर'ची! गेले काही दिवस अजय देवगण, काजोल आणि तानाजीची टीम दररोज काही ना काही नवीन आणि हटके पोस्टर, टीझर, प्रोमो सोशल मीडियावर शेअर करतात. आजही काजोलने एक खास पोस्टर रिलीज केलंय अन् त्यात ती स्वतः आहे!

'सकाळ'चे मोबाईल ऍप डाऊनलोड करा

तानाजीमध्ये काजोलही एक महत्त्वाची भूमिका साकारतीय. ती नक्की या चित्रपटात काम करणार की नाही, यावर चर्चा सुरू असतानाच या पोस्टरमुळे या चर्चांना पूर्णविराम मिळाला आहे. काजोल तानाजी मालुसरेंच्या पत्नीची म्हणजेच सावित्रीबाई मालुसरेंची भूमिका साकारत आहे. आजपर्यंत फक्त तानाजींच्याच पराक्रमाबाबत इतिहासात नोंद होती, मात्र सावित्रीबाई त्यांच्या पाठिशी कशा भक्कमपणे उभ्या राहिल्या हे 'तानाजी'मध्ये बघायला मिळेल. तसेच अजय-काजोल हे रिअल लाईफ कपल आता मोठ्या पडद्यावर पुन्हा एकदा झळकणार आहे. 

Tanhaji Promo : 'एक तरफ मुघलों की आँधी, दुसरी तरफ मुठ्ठीभर मराठा'

काजोल या पोस्टरमध्ये मराठमोळ्या रूपात दिसतीय. मोठं कुंकू, सुंदर नथ, कानात मोत्यांच्या कुड्या, गळ्यात मणीमंगणसूत्र आणि इतर दागिने व डोक्यावरून पदर अशा पारंपारिक वेशभूषेत काजोल दिसतीय. 'मै आपको हारने नहीं दूंगी' असे कॅप्शन या फोटोला दिले आहे. तिच्या या रूपामुळे तानाजीची उत्सुकता आणखी वाढली आहे. नेटकऱ्यांनीही तिच्या या लूकचे कौतुक केले आहे.

Tanhaji : 'पत्थर से ठोकर तो सब खाते हैं, पत्थर को ठोकर मारे वो मराठा!'; पोस्टर रिलीज

काजोलने तानाजी, शिवाजी महाराज, जिजाबाई, औरंगजेब, उदयभानू यांचे पोस्टर रिलीज केले होते. सैफ अली खान उदयभानूच्या भूमिकेत दिसेल. संगीतकार अजय-अतुल यांनी या चित्रपटाला संगीत दिले आहे. येत्या वर्षात 10 जानेवारीला हा चित्रपट प्रदर्शित हेईल. तसेच उद्या (ता. 19) तानाजीचे ट्रेलर लॉन्च होईल. 

तानाजी द अनसीन वॉरीयर मधील अजय देवगण व सैफ अली खानचा फर्स्ट लुक पाहिलात का?