Kangana Ranaut Emergency actress Target Alia Bhatt : बॉलीवूडची पंगा गर्ल म्हणून कंगनाचे नाव घेतले जाते. आपल्याला एखाद्याविषयी काही वाटल्यास ते बिनधास्तपणे बोलून मोकळे व्हायचे. आपण जे बोललो आहे त्याचे परिणाम किंवा पडसाद कसे उमटू शकतात याची पर्वा करायची नाही. असा स्वभाव कंगनाचा आहे. त्यामुळेच की काय ती नेहमीच वेगवेगळ्या कारणामुळे चर्चेत राहिली आहे. (लोकल ते ग्लोबल लेटेस्ट अपडेट मिळवा सकाळच्या व्हॉट्सअप चॅनेलवर फक्त एका क्लिकमध्ये)

बॉलीवूडमधील एक सेलिब्रेटी असा नसेल ज्याच्यासोबत कंगनानं पंगा घेतला नसेल. ज्येष्ठ पटकथाकार, गीतकार जावेद अख्तर यांच्यापासून आलिया भट्टपर्यत कंगनानं आपणच बॉलीवूडची क्वीन आहोत हे सांगण्याचा प्रयत्न केला आहे. आता तिनं ब्रम्हास्त्रची अभिनेत्री सध्याची हिट सेलिब्रेटी आलिया भट्टवर राग व्यक्त केला आहे. तिच्यावर तिनं दिलेली प्रतिक्रिया नेटकऱ्यांच्या चर्चेचा विषय आहे.

Also Read - Libya Flood : मृतदेहांचा रस्त्यावर खच,मदतीची केविलवाणी प्रतीक्षा, युद्धाच्या आगीतून बाहेर

त्याचं झालं असं की, आलियाला २०१३ भारताचे राष्ट्रपती कोण आहेत हे सांगता आले नाही. त्याचा कंगनाला खूपच राग आला. तिनं आलियाला ट्रोल करण्यास सुरुवात केली आहे. तिच्यावर आगपाखड केली आहे. कंगनाच्या फटकळपणाचा प्रत्यय यापूर्वी कित्येक बॉलीवूडच्या सेलिब्रेटींना आला आहे. त्यामुळे शक्यतो कंगनासोबत कुणी वाद घालण्याचा प्रयत्न करत नाही.

कंगनानं आता सोशल मीडियावर एक पोस्ट लिहिली आहे. त्यात तिनं आलियाचे नाव घेत तिला माहिती नसलेल्या गोष्टीविषयी जाहीरपणे भाष्य केले आहे. ती पोस्ट नेटकऱ्यांचे लक्ष वेधून घेताना दिसत आहे. आलियाला २०२३ मध्ये भारताचे राष्ट्रपती कोण होते हे माहिती नाही. करणच्या कॉफी विथ करण या शो मध्ये आलिया ही २०१३ मध्ये सहभागी झाली होती. त्यात करणनं तिला तो प्रश्न विचारला होता.

आलियानं २०१३ मध्ये देशाचे राष्ट्रपती हे प्रणब मुखर्जी नसून पृथ्वीराज चव्हाण असल्याचे सांगितले होते. यावेळी कंगनानं एका ट्रोलर्सच्या प्रतिक्रियेचा आधार घेत आलियावर निशाणा साधला आहे. यापूर्वी देखील कंगनानं आलिया आणि रणबीरवर टीका केली आहे. तिनं त्यांच्या जोडीला नाटकी जोडी असे म्हटले होते. आता यासगळ्यावर आलिया काय प्रतिक्रिया देणार याकडे नेटकऱ्यांचे लक्ष लागले आहे.