आमिर खानचा 'लालसिंग चढ्ढा'च नव्हे तर अक्षय कुमारचा 'रक्षाबंधन'ही सोशल मीडिया युजर्सच्या निशाण्यावर आहे. 'लालसिंग चढ्ढा'वर बहिष्कार बायकाॅटवरुन हॅशटॅग ट्रेंड होत आहे. या प्रमाणेच बायकाॅट रक्षाबंधनही ट्रेंडिंगमध्ये होता. ट्विटरवर युजर्स चित्रपटाचा विरोध करत आहे. चित्रपटाची लेखिका कनिका ढिल्लनच्या जुन्या ट्विटवरुन वाद सुरु झाला आहे. कनिकाने 'गौमूत्रा'बाबत अगोदर ट्विट केले होते. त्याला यूजर्स हिंदू विरोधी असल्याचे सांगत आहेत. यात अभिनेत्री कंगना रणावतनेही (Kangana Ranaut) आपली प्रतिक्रिया दिली आहे. (Kangana Ranaut Attack On Raksha Bandhan Writer Kanika Dhillon)

एका संकेतस्थळाने दावा केला होता की कनिकाने आपले अनेक जुने ट्विट डिलिट केले आहेत. कारण ते ट्विट हिंदू विरोधी होते. कंगनाने संकेतस्थळाच्या बातमीबरोबर आपले मत मांडले आणि रक्षाबंधनच्या लेखिकेवर निशाणा साधला. ती म्हणाली, की केवळ पैशामुळे तिने हिंदू विरोधी ट्विट डिलिट केले. (Bollywood News)

कंगना आपल्या इन्स्टाग्राम स्टोरीवर लिहिते, हाहा, तिचे आर्थिक नुकसानीपेक्षा जास्त काही होत नाही. फक्त आर्थिक नुकसानीच्या भितीने तिने हिंदू फोबिया आणि भारत विरोधी ट्विट डिलिट करु शकते. आणि बाकी नाही. रक्षाबंधन (Raksha Bandhan) या चित्रपटाचे दिग्दर्शन आनंद एल राय यांनी केले आहे. चित्रपटात अक्षय कुमारबरोबर (Akshay Kumar) भूमी पेडणेकर मुख्य भूमिकेत आहे. हा चित्रपट ११ ऑगस्ट रोजी प्रदर्शित होणार आहे. याच दिवशी आमिर खानचा 'लालसिंग चढ्ढा'ही प्रदर्शित होत आहे. यात करिना कपूर आहे.