Bollywood Actress: संजय लीला भन्साळी दिग्दर्शित आणि आलिया (Aila Bhatt) भट्टची प्रमुख भूमिका असलेला गंगुबाई काठियावाडी हा (Gangubai Kathiyawadi) चित्रपट गेल्या शुक्रवारी प्रदर्शित झाला होता. त्याला अद्याप प्रेक्षकांचा फारसा प्रतिसाद मिळाला नसला तरी तो इतर कारणांवरुन जास्त चर्चेत आला आहे. सध्या बॉलीवूडची क्वीन कंगना (Kangana Ranauat) रनौत आणि आलिया भट्ट यांच्यात शाब्दिक युद्ध सुरु झालं आहे. कंगनानं तिला गंगुबाईवरुन छेडलं होतं. अजून आलियाच्या गंगुबाईला म्हणावं असं यश मिळालेलं नाही. त्यामुळे निर्मात्यांची डोकेदुखी वाढली आहे. मणिकर्णिका आणि गंगुबाईची तुलना करण्यात आली तेव्हा मात्र ती चांगलीच भडकली आहे.

आलिया आणि कंगना या दोन्ही अभिनेत्रींच्या चित्रपटांवरुन जेव्हा वादाला सुरुवात झाली तेव्हा त्यात कंगनानं आलियाला चांगलाच टोला लगावला आहे. आलियावर निशाणा साधताना कंगनानं लिहिलं आहे की, मुव्ही माफियावाल्यांचे वेगळंच गणित आहे. 75 कोटींच्या मणिकर्णिकेनं 43 कोटींचा व्यवसाय केला तर त्याला काही मुव्ही माफियांनी त्याला उलटा डिझास्टर असं म्हटलं. दुसरीकडे 160 कोटींच्या गंगुबाईनं चित्रपटानं तीन दिवसांत 35 कोटी कमावले तर त्याला आता लोकं सुपरहिट म्हणायला लागले आहेत. कंगना पुढे म्हणते की, ही लढाई काही तिची आणि माझी नाही. काही गोष्टींबाबत माझी ठाम मतं आहेत.

मला एक गोष्ट पक्की माहिती आहे. ती म्हणजे टँलेटेड लोकांना इंडस्ट्रीमध्ये मरण नाही. तुम्ही कोणत्या पीआरविना, सिस्टमशिवाय, मुव्ही माफियाशिवाय चित्रपट सक्सेस करुन दाखवणं हे सगळ्यात जास्त महत्वाचे आहे. मला ते जास्त आव्हानात्मक वाटते. यापूर्वी कंगनानं लिहिलं होतं की, सध्या महिलाकेंद्री चित्रपटांचा ओढा वाढू लागला आहे. चांगली गोष्ट आहे. अशावेळी काही ठराविक निर्माते, दिग्दर्शकांच्या मागे मुव्ही माफिया उभे राहतात ही गोष्ट मात्र खटकणारी आहे. अशी खंत कंगनानं व्यक्त केली होती. आलियाच्या गंगुबाईनं पहिल्याच दिवशी बॉक्स ऑफिसवर 10.5 कोटींची कमाई केल्याचे दिसून आले होते.