कंगना रनौत(Kangana Ranaut) नुकतीच एकता कपूरच्या(Ekta Kapoor) आगामी 'लॉकअप' या रीअॅलिटी शो चं प्रमोशन करण्यासाठी एका कार्यक्रमात आली होती. ती हा शो होस्ट करणार आहे. ओटीटी प्लॅटफॉर्मवर लवकरच येणाऱ्या या शो च्या पत्रकार परिषदेत एका पत्रकाराने कंगनाला दीपिका पदुकोण(Deepika Padukone)वरुन प्रश्न विचारताच ती भडकली. त्याचं झालं असं की,काही दिवसांपूर्वी 'गहराइयां' या आपल्या सिनेमाच्या प्रमोशनसाठी दीपिकानं घातलेल्या ड्रेसवरुन ती ट्रोल झाली होती. वादाचाच विषय निर्माण झाला होता असं म्हणूया नं. त्या दीपिकाच्या वादातीत मुद्द्यावरून कंगनाला प्रश्न केला असता तीनं पत्रकाराच्या त्या प्रश्नावर असा पलटवार केला की उपस्थित केवळ तोंडात बोट घालून पाहत बसले.

सेलिब्रिटी फोटोग्राफर मार्केटिंग बाय राज या इन्स्टाग्राम अकाउंटवरनं शेअर केलेला तो व्हिडीओ आम्ही इथे बातमीत जोडलेला आहे.

कंगनाला पत्रकारानं असा प्रश्न केला होता की,'दीपिका पदूकोणला तिच्या ड्रेसवरुन ट्रोल केलं गेलं,अजुही करीत आहेत, तर हा मुद्दा महिला सक्षमीकरणाबाबतीत आजही आपण किती बुरसटलेले आहोत हे दाखवतो का?' यावर कंगना पटकन म्हणाली कशी,''मी इथे दीपिकाला वाचवण्यासाठी बसलेले नाही,ना तिच्या बाजूने बोलण्यासाठी,तिचं रक्षण करायला ती समर्थ आहे. ती एक पब्लिक फिगर आहे. तिच्याकडे पैसा आहे,पावर आहे. ज्याचा उपयोग करून ती लढू शकते. मी अशा लोकांसाठी इथे आहे जे अन्यायाविरोधात आवाज उठवू शकत नाहीत. दीपिकाकडे स्वतःचा आवाज आहे,चाहतावर्ग आहे. आणि सर्वात महत्त्वाचं म्हणजे मी तिच्या फिल्मचं प्रमोशन करायला इथे बसलेले नाही. मी माझ्या शो चे प्रमोशन करायला इथे आले आहे''. आणि तडक समोरच्या प्रश्न विचारणाऱ्या महिला पत्रकाराला म्हणाली कशी,''तुम्ही आता खाली बसू शकता? आपण बाहेर याविषयावर चर्चा करूया. मी ४५ मिनिटं देते''. तिच्या या अशा उर्मट उत्तरामुळे मात्र सोशल मीडियावर संमिश्र प्रतिक्रिया उमटल्या आहेत.

दीपिका ट्रोल झाली होती ती 'गहराइयां' या तिच्या आगामी सिनेमाच्या प्रमोशनवेळी तिनं बोल्ड ड्रेस घातल्यामुळे. सोशल मीडिया इन्फ्लुएंसर फ्रेडी बर्डी ने दीपिकावर अशी कमेंट केली होती की,''बॉलीवूड चा न्यूटन नियम,जसजसे 'गहराइयां' सिनेमाची प्रदर्शनाची तारीख जवळ येत आहे तसतसे अभिनेत्रींचे कपडे छोटे होत जात आहेत''. यावर उत्तर देताना दीपिका म्हणाली होती,''शास्त्रज्ञांच्या सांगण्यानुसार आपलं ब्रम्हांड प्रोटॉन,न्युट्रॉन,इलेक्ट्रॉन यांनी मिळून बनला आहे..पण ते मुर्खांविषयी सांगायला विसरून गेले''. अशा पद्धतीनं आपल्या उत्तरानं दीपिकानं फटकारलं होतं. पण आता पुन्हा कंगनानं दीपिकाविषयी बोलून आणखी एक वादाचा मुद्दा उकरून काढला आहे. आता मीडिया दीपिकाला कंगनाविषयी छेडणार हे ठरलेलंच.