Kangana Ranaut Getting Married: बॉलिवूडची पंगा क्विन म्हणुन ओळख असलेली कंगना रणौत हिची वेगळी ओळख सांगायची गरज नाही. कारण ती नेहमीच कोणत्या ना कोणत्या कारणाने चर्चेत असते.

कंगना सोशल मिडियावर कमालीची सक्रिय आहे. नुकतच कंगनाने करण जोहरच्या 'रामायण' चित्रपटाच्या कास्टिंगबद्दल तिने सांगितल्या प्रमाणे बॉलिवूडच्या माफिया गँगवर सडकून टिका केली. इतकच नाही तर तिने रणबीर कपूरला दुर्योधन आणि करण जोहरला शकूनी मामा बोलली.

आता कंगनाच्या या वक्तव्याची चर्चा सुरु असतांनाच कंगना बद्दल एक मोठी बातमी समोर आली आहे. कंगणानं चाहत्यांना एक गुडन्यूज दिली आहे. ज्याचा एक व्हिडिओ इंटरनेटवर मोठ्या प्रमाणात व्हायरल होत आहे. कंगना लग्न करतेय आणि ती चक्क लग्नाची पत्रिका पापाराझींना वाटताना दिसत आहे.

कंगना राणौतचा एक व्हिडिओ विरल भयानी यांने शेयर केला आहे. ज्यात कंगनाच्या ऑफिसबाहेर मीडियाची खुप गर्दी जमली आहे. याव्हिडिओत एक रिपोर्टर बोलत आहे, "जसं तुम्ही सगळे पाहू शकता की कंगना रणौतचं ऑफिस वधूसारखे सजलं आहे, त्यामुळे कंगना राणौतचे अखेर लग्न करणार आहे हे अशा चर्चा सुरु आहे. हे खरे आहे का?"

तितक्यात कंगना कारमधुन एन्ट्री घेते आणि जेव्हा मीडियाने कंगनाला विचारले की लग्नाबाबत बातमी खरी आहे का तेव्हा ती म्हणते की, बातमी तर तुम्ही पसरवतात, मी फक्त एक चांगली बातमी देतो. तुम्ही सगळे नक्की याल.

आता आम्ही तूम्हाला सांगतो की खर तर कंगना लग्न करत नाही आहे. तिने मीडियाला जी लग्नपत्रिका दिली त्यावर 'टिकू वेड्स शेरू' असं लिहिलेले होते.

या व्हिडिओच्या माध्यमातून कंगना तिच्या प्रोडक्शन हाऊसमध्ये तयार होत असलेल्या 'टिकू वेड्स शेरू' या चित्रपटाचे प्रमोशन करत आहे.

अवनीत कौर आणि नवाजुद्दीन सिद्दीकी स्टारर चित्रपट टिकू वेड्स शेरूचे दिग्दर्शन साई कबीर यांनी केले आहे. कंगना या चित्रपटाची निर्माती आहे. 'टिकू वेड्स शेरू' हा चित्रपट 23 जून रोजी OTT प्लॅटफॉर्मवर प्रदर्शित होणार आहे.