Kangana Ranaut Video:कंगना अन् सलमानचा एकत्र चित्रपट! 'त्या' व्हिडिओनंतर नेटकऱ्यांचा कंगनाकडे हट्ट..

Kangana Ranaut Video: बॉलिवूडची पंगा क्विन म्हणुन ओळख असलेली कंगना रणौत हिची वेगळी ओळख सांगायची गरज नाही. कारण ती नेहमीच कोणत्या ना कोणत्या कारणाने चर्चेत असते. कंगना सोशल मिडियावर कमालीची सक्रिय आहे.

ती तिचं मत मांडते मग ते कुणाला आवडणारे असो किंवा कुणाला टोचणारे. ती सोशल मीडियावर अनेक बॉलिवूड सेलिब्रिटींवर तिचा राग व्यक्त करत असते.

मात्र ती कधीही बॉलिवूडचा भाईजान सलमान खानसोबत पंगा घेत नाही. कंगना सलमानच्या टीव्ही शो 'दस का दम'मध्ये दिसलेल्या अभिनेत्रींपैकी ती एक आहे.

कंगनाने नुकताच या शोशी संबंधित एक व्हिडिओ शेअर केला होता जो तिच्या एका चाहत्याने सोशल मीडियावर पोस्ट केला होता.

या व्हिडीओ पाहिल्यानंतर कंगनाने जुन्या आठवणींमध्ये रमलेली दिसली.

कंगना रणौतच्या एका फॅन पेजने व्हिडिओ शेअर केला आहे, ज्यामध्ये अभिनेत्री 'दस का दम'च्या सेटवर सलमान खानसोबत आहे.

हा खुपच फनी व्हिडिओ आहे. ज्यात कंगना ही माधुरी दीक्षित आणि अनिल कपूर यांच्या 'धक धक करने लगा' या लोकप्रिय गाण्यावर डान्स करताना दिसली आहे.

या गाण्यात तिने घाघरा चोली घातली होती, या लूकसाठी सलमानने तिची प्रशंसा करत म्हणतो की, 'तू अप्रतिम दिसत आहेस.'

कंगनाही त्यावर परफॉर्म करते आणि सलमानही टाळ्या वाजवून तिला चिअर करतो. या व्हिडिओने कंगनाला जूणे दिवस आठवले.

तिने हा व्हिडिओ शेयर करत इंस्टाग्राम स्टोरीवर सलमानला टॅग करत लिहिले, 'OMG!!! SK आपण इतके तरुण का दिसतो?? याचा अर्थ आपण आता नाही आहोत का?' यानंतर तिने काही हसणारे शेयर केले आहेत.

त्याचवेळी त्याच्या या पोस्टवर चाहत्यांनी विविध कमेंट्स केल्या आहेत. एकाने लिहिले,OMG दोघं, अनेकांनी तर लिहिलं की, आम्हाला दोघांनाही चित्रपटात एकत्र पाहायचं आहे.

आणखी एकाने लिहिलं की, बॉलिवूड फिल्म इंडस्ट्रीतील सर्वात सुंदर अभिनेता आणि अभिनेत्री, दोघांनी एकत्र रोमँटिक कॉमेडी चित्रपट करावा.

कंगनाने यापूर्वीही तिच्या मुलाखतींमध्ये सलमान खानला तिचा चांगला मित्र म्हणाली होती.

कंगना राणौतच्या वर्क फ्रंटबद्दल बोलायचं झालं तर ती लवकरच तिच्या 'इमर्जन्सी' या चित्रपटात दिसणार आहे. याशिवाय ती साउथचा चंद्रमुखी 2 या चित्रपटातही दिसेल.

तर दुसरीकडे, सलमान सध्या टायगरच्या तिसऱ्या भागाचे शूटिंग करत आहे. याशिवाय त्याच्याकडे टायगर vs पठाणही आहे.