मुंबई- लॉकडाऊननंतर मोठ्या ब्रेकने कपिल शर्माचा कॉमेडी शो प्रेक्षकांच्या भेटीला आला आहे. या शोची प्रेक्षकांमध्ये खूप उत्सुकता होती. अखेर हा शो प्रेक्षकांच्या भेटीला आला आणि खूप दिवसांनी प्रेक्षकांमध्ये हशा पिकला. कपिल शर्मा आणि त्याची टीम छोट्या पडद्यावर पुन्हा त्यांच्या अंदाजात परत आली आहे. लॉकडाऊननंतर पहिल्याच एपिसोडची सुरुवात अभिनेता सोनू सूदपासून जबरदस्त अंदाजात झाली आहे. प्रेक्षकही या शोच्या पुन्हा एकदा प्रेमात पडले आहेत.

हे ही वाचा: रिया चक्रवर्तीची चौकशी करण्यासाठी बिहार पोलिसांचा मार्ग मोकळा तर मुंबई पोलिसांनी ३ दिवसात चौकशी अहवाल प्रस्तुत करण्याचा सुप्रीम कोर्टाचा आदेश

नुकताच कपिलच्या शोच्या सेटवरील एक व्हिडिओ मोठ्या प्रमाणावर व्हायरल होत आहे. या व्हिडिओमध्ये कपिल शर्मासोबत सपनाचं पात्र साकारणारा कॉमेडियन कृष्णा अभिषेक मस्तीच्या मूडमध्ये दिसून येतोय. दोघंही या व्हिडिओमध्ये बेबी फिल्टरमध्ये दिसून येतायेत. व्हायरल होत असलेल्या या व्हिडिओमध्ये कृष्णा अमिताभ बच्चन आणि शशि कपूरचा सूपरहिट सिनेमा 'दीवार' मधील डायलॉग बोलतोय. 

कृष्णा अभिषेक बिग बींचा डायलॉग बोलत आहे, 'आज मेरे पास बंगला है, गाडी है, बँक बॅलन्स है, तुम्हारे पास क्या है?'  यावर कपिल म्हणतो, 'भाई एवढ्या सगळ्या गोष्टी आहेत तर एखादी विकून दांत का नाही लावून घेत?' हा व्हिडिओ कपिल शर्माने त्याच्या इंस्टाग्राम एकाऊंटवरुन शेअर केला आहे. हा व्हिडिओ शेअर करताना त्याने कॅप्शनमध्ये लिहिलंय, '७०च्या दशकातील लोक तोही बेबी फिल्टरसोबत.'

लॉकडाऊमुळे सिनेमा आणि मालिकांच्या शूटींगला बंदी होती. मात्र आता ४ महिन्यांनंतर शूटींग पुन्हा एकदा सुरु झाली आहे. ज्यामुळे चाहते त्यांच्या आवडच्या शोचा मनमुराद आनंद घेत आहेत.  

kapil sharma and krushna abhishek will crack you up with their hilarious conversation