'कॉफी विथ करण'च्या(Koffee with karan 7) सातव्या सिझनची लोकं खूप उत्सुकतेने वाट पाहत होती. अखेर ७जुलै रोजी लोकांची प्रतिक्षा संपून अन् 7 व्या सिझनचा पहिला भाग रिलीज झाला. पहिल्या भागात आलिया भट्ट(Alia Bhatt) आणि रणवीर सिंग यांनी आपल्या मैत्रीपासून ते पर्सनल लाइफविषयी अनेक खुलासे केले आहेत. सर्वात महत्त्वाचं म्हणजे आलियाने आपल्या लग्नाविषयी अनेक माहित नसलेल्या गोष्टी चाहत्यांना सांगितल्या. त्यामुळे अर्थातच पहिल्या भागापासून शो भरपूर चर्चेत आला.(Karan Johar is charging a whopping 8-figure amount for hosting Koffee With Karan 7)

यावेळचा सातवा सिझन खूपच स्पेशल होणार आहे. ज्याचं कारण आहे शो मध्ये येणारे बडे स्टार्स. यावेळी जान्हवी कपूरसोबत सारा अली खान येणार आहे, तर विजय देवराकोंडासोबत अनन्या पांडे 'लाइगर' सिनेमासंदर्भातील अनेक एक्सक्लुसिव्ह गोष्टी शेअर करतील. तर साऊथ स्टार समंथा रुथ प्रभू बॉलीवूड खिलाडी अक्षय कुमार सोबत येण्याची शक्यता आहे. शो मध्ये ती पहिल्यांदाच आपल्या घटस्फोटाविषयी बोलताना दिसेल. गेस्ट आणि त्यांना विचारले जाणारे चटपटीत प्रश्न यामुळे करणचा 'कॉफी विथ करण' हा शो चर्चेत आहेच पण याहीपेक्षा करणला मिळणाऱ्या मानधनामुळेही शो चर्चेत आला आहे.

मीडियानं दिलेल्या वृत्तानुसार करण जोहर या शो चं होस्टिंग करण्यासाठी परफेक्ट होस्ट आहे आणि यासाठी तो भारीभरकम रक्कम वसूल करत आहे. करण शो मध्ये आलेल्या गेस्टना कॉफी आणि हॅम्पर देऊन मार्गी लावतो तर स्वतः मात्र एका एपिसोडसाठी 2 करोड घेत आहे. यावेळी तो 20 ते 22 एपिसोड करत आहे. म्हणजे लक्षात आलं असेल आपल्या की यावेळी 'कॉफी विथ करण'च्या 7 व्या सिझनमधून करण तब्बल 40 ते 44 करोडची मोठी रक्कम आपल्या खिशात घालणार आहे.