भूल भुलैया २ च्या यशानंतर कार्तिक आर्यनला (Kartik Aaryan) या वर्षातला सर्वात यशस्वी बाॅलीवूड कलाकार बनला आहे. चित्रपटाने जगभरात २५० कोटी रुपयांचा गल्ला जमावला. निर्मात्यांना यामुळे बराच फायदा झाला. मे-जून महिन्यात आलेल्या अनेक अहवालात म्हटले आहे, की कार्तिकने भूल भुलैया २ नंतर आपली फिस वाढवली आहे. आता तो एका चित्रपटासाठी ३५-४० कोटी रुपये फिस घेत असल्याचा दावा करण्यात आला आहे. कार्तिकने यावर थेट उत्तर दिले नाही. (Kartik Aaryan Comment On His Hiking Fees After Bhool Bhulaiyaa 2)

मात्र याच प्रकारची एक बातमी ट्विट करत त्याने लिहिले, प्रोमोशन झाले आहे, इंक्रीमेंट नव्हे. कार्तिक विषयी बोलताना भूल भुलैया २ चे निर्माता भूषण कुमार (Bhushan Kumar) म्हणाले होते, की त्याने आर्थिक बाजूंनीही चित्रपटासाठी मदत केली. चित्रपटाच्या यशाने भूषण खूपच खूश होते. त्यांनी आपल्या चित्रपटातील (Bollywood News) अभिनेता कार्तिकला जगातील सर्वात महागडी कारपैकी एक असलेल्या मॅकलाॅरेन जीटी कार भेटी दिली होती.

नुकसान होऊ नये

आता कार्तिक एका नव्या मुलाखतीत यशानंतर फिस वाढवल्याबद्दल सविस्तर बोलला आहे. कार्तिक म्हणाला फिस वाढवणे ही साधारण गोष्ट आहे. मात्र इतके वाढू नये की त्यावर विश्वासच बसू नये. डिजिटल आणि सॅटेलाईट हक्क एक अभिनेत्याच्या नावाने, दिग्दर्शक-निर्माता, त्यांच्या टीमच्या नावावर चित्रपट विकला जातो. जर ती किंमत जास्त मिळत आहे त्यावेळी, तर सर्वांची तितकी भाववाढ होणे साधारण आहे. जर असे होत नसेल तर त्यांनी कमीच ठेवा. जर तुम्ही चित्रपट बनवत असाल तर त्यावर दबाव आला नाही पाहिजे.

मला या गोष्टीवर विश्वास आहे. पुढे तो म्हणतो, जर चित्रपटाची कमाई अभिनेत्याच्या मागील यश, दिग्दर्शक, निर्माता आणि चित्रपटाशी संबंधित प्रत्येक व्यक्तीच्या मागील यशाचे कारण आहे. त्यामुळे सर्वांची फिस वाढवण्यामागे वाईट काय? मात्र त्याचे वजन जेव्हा चित्रपटावर पडतो तेव्हा चुकीचे होऊन जाते. फिसबाबत बागुलबुवा करण्यात काही अर्थ नाही. कारण हे सर्वांना माहीत असते की अभिनेत्याच्या मागील यशामुळे त्याचे चित्रपट महागडे विकले गेले आहेत.