Kashmera Shah New Look: कश्मिरा ही तिच्या अभिनयासाठी नाही तर दिसण्यामुळे जास्त चाहत्यांच्या चर्चेत असणारी अभिनेत्री आहे. सोशल मीडियावर तिला फॉलो करणाऱ्यांची संख्या अधिक आहे. कायम आपल्या बोल्डनेसमुळे न्युजमध्ये राहणाऱ्या कश्मिराचा लूक हा चाहत्यांना अनेकदा घायाळ करत असतो. आता मात्र ज्या लूकनं कश्मिरा चाहत्यांना घायाळ करत होती तोच लूक विनामेक अप व्हायरल झाला आहे. त्यामुळे तिला नेटकऱ्यांनी ट्रोल करण्यास सुरुवात केली आहे. त्यावरुन तिला वाट्टेल त्या कमेंटही केल्या आहेत.

यापूर्वी देखील वेगवेगळ्या कारणामुळे कश्मिरा चर्चेत आली होती. ती तिच्या परखड स्वभावासाठी ओळखली जाणारी सेलिब्रेटी आहे. आतापर्यत बॉलीवूडच्या निवडक चित्रपटांमध्ये दिसलेली कश्मिरा ही फिटनेस फ्रीक म्हणूनही ओळखली जाते. तिचा नवा लूक व्हायरल झाल्यानंतर तिच्यावरुन नको त्या प्रतिक्रिया समोर आल्या आहेत. तिचा तो लूक पाहिल्यानंतर एखाद्या बॉलीवूड स्टार्ससाठी मेकअप किती महत्त्वाचा असतो दिसून येते. विना मेकअप त्यांचे फोटो किंवा व्हिडीओ जर चाहत्यांनी पाहिले तर त्यावर त्यांची परखड प्रतिक्रिया ठरलेली असते.

कश्मिराच्या बाबत असेच झाले. त्यामुळे तिला नेटकऱ्यांच्या टीकेला सामोरं जावं लागलं आहे. कश्मिरानं एक व्हिडिओ शेअर केला आहे ज्यामध्ये ती मेकअप करताना दिसत आहे. या मध्ये कश्मिराने तिचा मेकअप रूटींग काय आहे हे सर्वांना सांगितले आणि सुरूवातीला ती विना मेकअप दिसली. कश्मिराने इन्स्टा लाइव्ह केले पण तिला हे मेकअप लाईव्ह चांगलेच महागात पडल्याचे दिसून आले आहे.

कश्मिरा शाहचा नो मेकअप लूक पाहून लोकांनी तिला ट्रोल करायला सुरुवात केली. एकाने लिहिले, अशा रुपात जर तुला कृष्णानं पाहिलं तर तो देखील घाबरुन जाईल. दुसऱ्यानं लिहिलं आहे की, तू तर आता राणु मंडलपेक्षाही भयानक दिसू लागली आहेस.