कतरिना(Katrina Kaif)- विकी(Vicky Kaushal)च्या लग्नाला जेमतेम ३ महिने झाले आहेत. २०२१ च्या डिसेंबर महिन्यात राजस्थानमध्ये एकदम रॉयल अंदाजात हे दोन लव्हबर्ड्स लग्नबंधनात अडकले. त्यावेळी कोरानाच्या निर्बंधांचं पालन करीत त्यांनी जवळचे आप्तेष्ट आणि मित्र-परिवाराला निमंत्रित केलं होतं. यो दोघांच्या लग्नाची चर्चा लग्नानंतर जेवढी रंगली त्याहून अधिक लग्नाआधी रंगली. दोघे एकमेकांसोबत शूटिंगच्या व्यस्त शेड्युलमधून वेळ काढत एकमेकांसोबत रमताना अधनं-मधनं दिसतात. नुकताच त्यांनी होळीचा सणही आपल्या कुटुंबासोबत साजरा केला. अशा वेगवेगळ्या कारणांनी कतरिना-विकी चर्चेत येतात आणि त्यांच्या आनंदात चाहतेही सुखावतात. पण त्यांच्याबाबतीत काही दिवसांपूर्वी एक बातमी व्हायरल झाली अन् चाहत्यांच्या चेहऱ्यावर निराशा दिसू लागली.

बातमी होती, कतरिना-विकी कोर्टात दिसल्याची. दोघांचे कुटुंबियही त्यांच्यासोबत तिथे गेल्याची. त्यामुळे पहिलं तर कळालं नाही लग्नानंतर ३ महिन्यात सगळ्या कुटुंबासोबत कोर्टात जाण्याचं काय प्रयोजन. पण आता कारण समजतंय की लग्नानंतर कतरिना-विकी कामात व्यग्र असल्यामुळे त्यांच्या लग्नाची विवाह नोंदणी करायची राहून गेली होती. त्यामुळेच आपलं लग्न कायेदशीररित्या रजिस्टर करण्यासाठी १९ मार्च,२०२२ रोजी कतरिना-विकी कोर्टात गेले होते. आणि यावेळी लग्नाला उपस्थित आप्तेष्टांच्या सह्या लागतात म्हणून कुटुंबही त्यांच्यासोबत कोर्टात गेलं होतं. लग्न कोर्टात कायदेशीररित्या रजिस्टर झाल्यानंतर कतरिना-विकीनं कुटुंबासोबत त्या रात्री डिनर पार्टी एन्जॉय केली होती. त्याचा व्हिडीओ व्हायरल झाल्यावर सगळ्यांना खरं कारण कळालं. आणि तेव्हा कुठे कतरिना-विकीच्या चाहत्यांचा जीव भांड्यात पडला.