Katrina Kaif Latest News कतरिना कैफ आणि विक्की कौशल (Vicky Kaushal) यांनी गेल्यावर्षी डिसेंबरमध्ये राजस्थानमधील रिसॉर्टमध्ये लग्न केले होते. सर्व काही लीक झाले असले तरी लग्नाची बातमी मीडियासमोर येऊ नये यासाठी दोघांनी पुरेपूर प्रयत्न केले होते. लग्नापर्यंत दोघांनी मीडियाला काहीही सांगितले नाही. नंतर लग्नाचे फोटो सोशल मीडियावर शेअर केले. लग्न इतके गुप्त ठेवल्याने अनेक मीम्सही बनवण्यात आले. आता कतरिना कैफने (Katrina Kaif) लग्न होईपर्यंत गप्प का होते, हे सांगितले.

विक्की कौशल (Vicky Kaushal) आणि कतरिना कैफ (Katrina Kaif) मंगळवारी फिल्मफेअर अवॉर्ड्सच्या रेड कार्पेटवर होते. दोघे अनेक पाहुण्यांमध्ये एकत्र बसलेले दिसले. सरदार उधम सिंगसाठी विक्कीला सर्वोत्कृष्ट अभिनेत्याचा पुरस्कार मिळाला तेव्हा कतरिनाने त्याच्या गालावर चुंबन घेतले.

कतरिनाला विचारले की, तिने गुपचूप लग्न का केले. तेव्हा तिने सांगितले, मला वाटते लग्न खाजगी ठेवण्यापेक्षा कोरोना निर्बंधांमुळे असे करावे लागले. माझ्या कुटुंबातील सदस्यांनाही कोरोना झाला होता. त्यामुळे आम्हाला ते गांभीर्याने घ्यावे लागले.

हे वर्ष खूप चांगले गेले आहे. परंतु, कोरोनामुळे आम्हाला थोडे अधिक सावध व्हायचे होते. लग्न छान पार पडलं. आम्ही दोघे खूप आनंदी आहोत, असेही कतरिनाने सांगितले. कतरिना हॉरर कॉमेडी फोन-भूतमध्ये दिसणार आहे. हा चित्रपट ४ नोव्हेंबरला प्रदर्शित होणार आहे. कतरिनाने सलमान खानसोबत टायगरच्या तिसऱ्या भागाचे काम पूर्ण केले आहे. मेरी ख्रिसमसमध्ये कतरिना तमिळ स्टार विजय सेतुपतीसोबत काम करणार आहे.