बॉक्स ऑफिसववर सध्या कन्नड सुरस्टार यशच्या केजीएफ चॅप्टर २(KGF Chapter 2) चं वादळ आलंय असं म्हणातायत. दोनच दिवसात सिनेमाच्या हिंदी व्हर्जनसाठी १०० करोड पर्यंत पोहोचलेल्या या सिनेमानं आतापर्यंतचे बॉक्स ऑफिस कलेक्शनचे रेकॉर्ड तोडले आहेत असं देखील म्हणतायत. शुक्रवारी गुडफ्रायडे दिवशी सुद्धा केजीएफ ने हिंदी व्हर्जनच्या ग्राऊंडवर आपली जोरदार बॅटिंग सुरुच ठेवली. राजामौलींच्या RRR सोबत केजीएफ चॅप्टरची तुलना केली तर,केजीएफची प्रदर्शनाच्या दुसऱ्याच दिवशी जवळजवळ २३१ करोडची तिकीटं बॉक्सऑफिसवर विकली गेली. अशाप्रकारे या कन्नड सिनेमानं बॉक्सऑफिसवर आपला जम चांगलाच बसवायला सुरुवात केली आहे.

प्रशांत नील दिग्दर्शित या सिनेमात यश(Yash),रवीना टंडन आणि संजय दत्त(Sanjay Dutt) सारखे कलाकार या सिनेमात आहेत. या सिनेमानं पहिल्याच दिवशी बॉक्सऑफिसवर तगडी कमाई करीत मोठमोठ्या सिनेमांना मागे टाकलंय. ट्रेड अॅनलिस्टच्या म्हणण्यानुसार, केजीएफ नं पहिल्याच दिवशी ८८ करोडची नेट कमाई केली आहे आणि भारतातलं शुक्रवारचं बॉक्सऑफिस कलेक्शन जवळजवळ १०३ करोडचं होतं. वीकेन्डला या सिनेमाकडून आता मोठ्या अपेक्षा आहेत. तसंही या आठवड्यात लागून ४ सुट्ट्यांचा वीकेन्ड आल्यानं सिनेमाला फायदाच झाला आहे.

येणाऱ्या काही दिवसात केजीएफची घोडदौड अशीच सुरु राहिली तर हा सिनेमा वीकेन्डमध्ये सर्वात जास्त कमाई करणारा सिनेमा ठरेल. सिनेमाकडून १७५ करोडची कमाई वीकेन्डदरम्यान होईल अशी अपेक्षा आहे. आतापर्यंत हिंदी सिनेमांमध्ये वीकेन्डमध्ये जास्त कमाई केल्याचा मान हा सलमान खानच्या सुल्तान सिनेमाकडे होता. सलमानच्या सुल्तान सिनेमानं प्रदर्शनाच्या पाचव्या दिवशी १८०.३८ करोडची कमाई केली होती.

'केजीएफ चॅप्टर २' सिनेमानं त्याच्या कन्नड व्हर्जनमध्येही पहिल्या दिवशी दमदार प्रदर्शन करीत बॉक्सऑफिस कलेक्शनचे आतापर्यंतचे रेकॉर्ड तोडले आहेत. या सिनेमाच्या कन्नड व्हर्जनमध्ये बॉक्सऑफिस कलेक्शनवर पुढच्या काही दिवसात उतार-चढाव पहायला मिळू शकतो असं बोललं जात आहे. खरंतर दक्षिणेतल्या इतर भाषांच्या व्हर्जनमध्ये केजीएफ सिनेमा चांगलं प्रदर्शन करताना दिसत आहे. तेलुगुमध्ये सर्वात अधिक प्रमाणत सिनेमा पाहिला जात आहे.