मुंबई - पावसानं आता कहर केला आहे. गेल्या तीन ते चार दिवसांपासून सातत्यानं मुसळधार कोसळणाऱ्या पावसानं अनेकांचं मोठ नुकसान झालं आहे. काही ठिकाणी दरडी कोसळून जीवितहानी झाली आहे. लोकांना मोठ्या समस्येला सामोरं जावं लागत आहे. पावसानं मनोरंजन क्षेत्रातील सेलिब्रेटींनाही चांगलचं झोडपलं आहे. कित्येक कलाकारांनी साईड बिझनेस म्हणून मुंबईमध्ये हॉटेल्स सुरु केली आहे. मात्र मुसळधार पावसानं त्यांचे नुकसान झाले आहे. (kushal tandon restaurant damage due to heavy rain actor facing 25 lacs rupees lose yst88)

अभिनेता कुशालनं गेल्या वर्षी मुंबईमध्ये एक रेस्टॉरंट सुरु केल होतं. मात्र आता पावसामुळे ते मोडून पडलं आहे. सततच्या पावसानं त्या हॉटेलचं मोठ्या प्रमाणात नुकसान झाल्याची माहिती कुशलनं त्याच्या सोशल मीडियाच्या माध्यमातून दिली आहे. कुशलनं आपल्या रेस्टॉरंटचे काही फोटो सोशल मीडियावर शेयर केले आहेत. यावेळी त्यानं लिहिलं आहे की, मुंबई पावसाला धन्यवाद, त्यानं माझ्या हॉटेलची नुकसान केली त्याबद्दल. कोरोनानं जो ताप दिला तो कमी होता की काय म्हणून पावसानं आता माझा बदला घेतला आहे. अशी प्रतिक्रिया त्यानं दिली आहे.

कुशलला एका गोष्टीचं समाधान आहे. ते म्हणजे रेस्टॉरंटमधील कुणालाही इजा झालेली नाही. तो म्हणतो, स्टोरीचा दुसरा पार्ट चांगला आहे. तो म्हणजे कोणालाही काहीही झालेलं नाही. कुशलनं एका चॅनेलशी बातचीत केली. तेव्हा तो म्हणाला, माझं खुप नुकसान झालं आहे. त्याचे वाईट वाटते. पण निसर्गाच्या पुढे काय करणार, जवळपास 20 ते 25 लाखांचे नुकसान झाले आहे. आता पुन्हा हे ठीक करण्यासाठी प्रयत्न करावे लागणार आहेत. ते करावे तर लागेलच. पाऊस थांबण्याची वाट पाहावी लागेल. त्याशिवाय सध्या तरी दुसरा ऑप्शन नाही.