बॉलीवूड अभिनेत्री पूनम पांड्ये(Poonam pandey) नेहमीच कोणत्या ना कोणत्या कारणाने वादात पडते आणि त्याची चर्चा होते. अनेकदा तिच्या वैयक्तिक आयुष्यामुळे देखील ती वादाच्या भोवऱ्यात अडकली आहे. अर्थात पूनमने आपल्या या वादग्रस्त वैयक्तिक आयुष्याविषयी अनेकदा खुलासे केले आहेत. गेल्याच वर्षी तिनं आपला नवरा सॅम बॉम्बेवर तिला मारहाण केल्याचा आरोप केला होता. आता पुन्हा पूनमनं सॅमविषयी एक मोठा खुलासा केला आहे. तिनं म्हटलं आहे,''त्याच्या अत्याचारांमुळे माझं ब्रेन हॅमरेज झालं होतं''.

पूनम पांड्ये सध्या कंगना रनौत(Kangana Ranaut)च्या 'लॉकअप'(Lockup) या रिअॅलिटी शो मध्ये आपल्याला दिसत आहे. याच शो मध्ये तिनं आपल्या वैयक्तिक आयुष्याविषयी काही खुलासे केले आहेत. 'लॉकअप' मध्ये करणवीर वोहरानं पूनम पांड्येला विचारलं की,''तिचं खरंच सॅम बॉम्बेवर प्रेम होतं?'' यावर पूनम पांड्येनं जो खुलासा केला तो ऐकून सारेच हैराण होतील हे नक्की. तिनं सांगितलं की,''एकदा सॅमनं तिला इतकं मारलं होतं की तिचं ब्रेन हॅमरेज झालं होतं''. पूनम पांड्ये पुढे म्हणाली की,''तो त्याला वाटेल तसं मला वागवायचा. मला स्वतःसाठी वेळच द्यायचा नाही. गुलाम बनवून ठेवलं होतं मला. मला साधं घराच्या गच्चीत किंवा गॅलरीतही तो उभं राहू द्यायचा नाही. माझा फोन सोबत ठेवायला परवानगी नव्हती. माझ्या घरातही माझा फोन मला हातात मिळायचा नाही. मला वाटायचं तो माझ्याविषयी खूप पझेसिव्ह आहे म्हणून असेल कदाचित. मी ही ठरवलं की मी त्याला हवं तसं राहीन,त्याला वेळ देईन''.

''पण सॅम इतका विचित्र होता की साधं माझ्या कुत्र्याला मी प्रेम दिलं,त्याच्यासोबत झोपले तरी तो माझ्यावर शंका घ्यायचा. म्हणायचा,त्याच्यापेक्षा मी माझ्या कुत्र्यावर प्रेम करते. हे माझ्यासोबत अनेकदा व्हायचं. मार तर रोज ठरलेला''. त्यावर जेव्हा करणने विचारलं की, 'तुला यातून बाहेर यायला किती वेळ लागला?' तेव्हा पूनम म्हणाली,''मी खूप दिवसांपासून यातून बाहेर यायचा प्रयत्न करीत आहे. माझ्यासोबत हे गेल्या चार वर्षांपासून होत होतं. तो मला एकाच ठिकाणी सतत मारायचा. त्यामुळे माझ्या काही जखमा या कायमच्या अंगावर राहून गेल्या. मी मेकअप करून माझ्या जखमा लपवायची. सगळ्यांसमोर ते सगळं लपवण्यासाठी मी उत्तम अभिनय करायची''.

तेव्हा पायल रोहातगीनं पूनमला सॅमच्या मारण्याचं कारण विचारलं . ती म्हणाली,''जो माणूस सकाळी १० वाजल्यापासून दारू प्यायला सुरुवात करतो ते थेट रात्रीपर्यंत त्याचं पिणं सुरू असतं,तो आणखी काय करणार बायकोसोबत. मला कुणी त्यावेळी वाचवायला यायचं नाही. घरातला काम करणारा स्टाफही घाबरायचा''. याव्यतिरिक्त पूनम पांड्येनं आपल्या आयुष्याविषयी आणखीही अनेक गोष्टींचा खुलासा केला.