मुंबई-  कोरोना विषाणूचा वाढत्या प्रादुर्भावाने पंतप्रधान नरेंद्र मोदी यांनी संपूर्ण देशात 21 दिवसांसाठी लॉकडाऊन घोषित केले आहे. यामुळे अनेक जण आपला विरंगुळा म्हणून व्यायाम, चित्रकला सारख्या कलेंमध्ये रमत आहेत. आता बॉलिवूडची धकधक गर्ल अभिनेत्री माधुरी दिक्षीत या लॉकडाऊनच्या दिवसात एक नव्या संकल्पनेसह प्रेक्षकांच्या भेटीला आली आहे. 

Lockdown:बॉलीवूडचा 'सिंघम' कामगारांसाठी आला धावून, केली एवढ्या लाखांची मदत

सर्वांनाच माहितच आहे की माधुरी तिच्या 'डान्स विथ माधुरी' याद्वारे ऑनलाईन नृत्यांचे धडे देत असते. आता ती 'डान्स विथ माधुरी' याद्वारे आठवड्यातून दोन ते तीन दिवस
चाहत्यांना विनामुल्य प्रशिक्षण देणार आहे. यासाठी तिच्यासोबत तिची टिम आणि नृत्यदिग्दर्शक टेरेन्स लुईस, रेमो डिसूजा, नृत्यदिग्दर्शिका सरोज खान आणि पंडित बिर्जू महाराज जी हे नृत्यदिग्दर्शक तिच्यासोबत एकत्र येणार आहेत. याची माहिती माधुरीने 'डान्स विथ माधुरी' आणि तिच्या स्वतःच्या इन्स्टाग्राम अकाऊंटवरून दिली आहे. 

या विनामुल्य नृत्य अकॅडमीमध्ये आठवड्यातून दोन ते तीन वेळा कोणतेही दोन लोकप्रिय नृत्यप्रकार शिकवण्यात येणार आहे. माधुरी सर्वांना घरातच राहण्याचे आवाहन करत आहे आणि याशिवाय तिने नृत्याचे धडे शिकण्यास प्रोत्साहन दिले आहे. हे विनामूल्य नृत्यप्रशिक्षणाचे धडे महिनाभर म्हणजेच 1 एप्रिल ते 30 एप्रिलपर्यंत देण्यात येणार आहेत.  या विनामूल्य नृत्यांच्या धड्याशिवाय प्रेक्षक यावर त्यांच्या नृत्यांचे व्हिडिओ पाढवू शकतात आणि त्यांना माधुरीसोबत व्हिडिओ कॉलवर संवाद साधण्याची संधी मिळू शकते.. 

याबाबत माधुरी म्हणली की, 'सर्वांना ताणवमुक्त करण्यासाठी आणि नृत्याचा आनंद घेण्यासाठी आम्ही हा उपक्रम सुरू केला आहे. नृत्य हा व्यायामाचा एक उत्कृष्ट प्रकार आहे. त्यामुळे आता या विनामूल्य नृत्य क्लासेसने प्रत्येकाचा एक प्रकारचा व्यायामच होणार आहे.' माधुरीचा हा व्हिडिओ पाहताच नृत्य प्रेमींनी यावर कमेंट्स करून आनंद व्यक्त केला आहे.

madhuri dixit to conduct free online dance classes during lockdown