lalu prasad yadav : बिहारच्या राजकारणातील एक महत्वाचे नाव म्हणजे लालू प्रासद यादव. अत्यंत धुरंधर असा हा राजकारणी. आपल्या राजकीय प्रचंड इच्छाशक्तीने लालूजींनी बिहारचे मुख्यमंत्री पदही भूषवले आहे. हा पण त्यांचा जलजला केवळ बिहार मधेच नाही तर संबंध भारतात आहे बरं. लालू प्रसाद यादव हजे नाव माहित नाही असं शक्यतो होणार नाही. आणि महाराष्ट्रात हे नाव घराघरात माहित आहे. महाराष्ट्रातल्या अनेक नेत्यांनी लालूजींची नकार करून त्यांच्यावर टीका केलेली आहे. त्यामुळे हे नाव महाराष्ट्राला सुपरिचित. आज त्याच लालूजींचा वाढदिवस. या निमित्ताने हा एक खास किस्सा.. (mahesh manjrekar was direct the film lalu prasad yadav in 2005)

लालूजी आणि राजकारण हे समीकरण आपल्याला ठाऊक आहेच पण लालूजी आणि बॉलीवूड यांचेही हि कनेक्शन आहे. शत्रुघ्न सिंह, शेखर सुमन, प्रकाश झा ते अगदी किंग खान म्हणजे शाहरुख खान अशी बडी दिग्गज मंडळी लालूजींच्या मित्रांच्या यादीत आहेत. त्यामुळे लालू प्रसाद यादव यांच्या जीवनावर चित्रपट होणे स्वाभाविक आहे पण त्यांचे केवळ नाव चित्रपटाला देणे म्हणजे धाडसच. आणि हे धाडस केले होते दिग्दर्शक महेश मांजरेकर (mahesh manjrekar) यांनी.

२००५ मध्ये महेश मांजरेकर दिग्दर्शित ‘पद्मश्री लालू प्रसाद यादव’ या नावाने एक चित्रपट केला. ज्यात प्रमुख भूमिकेमध्ये सुनील शेट्टी, जॉनी लिव्हर, मौसमी मखीजा, किम शर्मा, अनुपमा वर्मा आणि स्वत: महेश मांजरेकर होते. चित्रपटाच्या कथेचा लालूप्रसाद यादव यांच्या जीवनाशी काही संबंध नव्हता. ही कथा लालू, प्रसाद आणि यादव या तीन वेगवेगळ््या भूमिकांची होती, ज्यांच्यामध्ये पद्मश्री नावाची एक तरुणी होती. यामध्ये सुनील शेट्टीचे नाव होते लालू, महेश मांजरेकर यांचे नाव होते प्रसाद आणि जॉनी लिव्हर यांचे नाव यादव होते. २००५ च्या देशाच्या राजकारणात लालू प्रसाद यादव यांच्या नावाची वारीचं हवा होती. म्हणूनच कदाचित महेश यांनी या चित्रपटाला लालूजींचे नाव दिले.

विशेष म्हणजे या चित्रपटात लालू प्रसाद यादव यांनी स्वतः एक छोटीशी भूमिका केली आहे. लालूंचे नाव दिल्याने चित्रपटाची चित्रपटाची देशभरात चर्चा झाली आणि इतकेच नव्हे तर चित्रपटाच्या टीमने पटणा येथे जाऊन लालूप्रसाद यादव यांची भेट देखील होती. पुढे लालू यांनी चित्रपट पाहिला आणि प्रशंसादेखील केली. मात्र, बॉक्स आॅफिसवर चित्रपट फ्लॉप ठरला.