माझी तुझी रेशीमगाठ ही प्रेक्षकांची आवडती मालिका. ही मालिका सुरू झाली आणि अल्पावधीतच या मालिकेनं प्रेक्षकांना वेड लावलं.  मालिकेतील प्रार्थना बेहरे व श्रेयस तळपदेची रोमॅन्टिक केमिस्ट्री तुफान हिट ठरली. ती इतकी की, ही बंद झालेली मालिका लोकांच्या आग्रहास्तव पुन्हा सुरू करण्यात आली. पण आता ही मालिका प्रेक्षकांच्या निरोप घेणार आहे. पण जाता जाता ही मालिका आणि अभिनेत्री प्रार्थना बेहेरे (prarthana behere) चांगलीच ट्रोल झाली आहे.

लग्न झालेल्या आणि पदरी एक मुलगी असलेल्या नेहाची ही कथा होती. नंतर ती एका उद्योगपतीच्या प्रेमात पडते, तो तिला स्वीकारतो आणि त्यांच्या सुखी सांसारला सुरुवात होते,यश व नेहाचा  मोठा अपघात होतो. या अपघातात नेहा कारमधून खाली दरीत पडते नेहा मालिकेतून गायब होते. पण ती पुन्हा एकदा मालिकेत अनुष्का बनून परतते. पण तीची स्मृती गेलेली असते. त्यामुळे अनुष्का आणि यशचे नाते कसे जुळणार अशी नवी कथा रंगते. आता ही मालिका अंतिम टप्प्यात आहे. अनुष्काला सगळं आठवणार का? यश आणि ती एकत्र येणार का असे उत्कंठा वर्धक वळण मालिकेला मिळाले आहे.

हेही वाचा : गुंतवणूक करताना ‘हम होंगे कामयाब, पूरा है विश्वास!’...पण कसे? घ्या जाणून

या मालिकेचा शेवटचा सिन नुकताच शूट झाला. या शूटवेळी अनुष्का म्हणजेच प्रार्थना बेहरे रस्त्यावर पळताना दिसतेय. हा प्रसंग तिने स्वतः आपल्या सोशल मिडिया अकाऊंटला शेयर केला आहे. यामध्ये ती हिल्स घालून अशी काय पळत सुटली आहे की ट्रोलर्सच्या निशाण्यावर आली आहे.

एका नेटकऱ्याने लिहिले आहे की, " बाई तू इतकी श्रीमंत आहेस तर स्वतःची गाडी का घेतली नाहीस" तर एक म्हणतो, " एकतर साडीमध्ये इतकी हाय हिल्स चप्पल घालून कुणी पळतं का?.. तर काहींनी लिहिलं आहे, ''काही पण दाखवतात.. एकतर ती पडेल किंवा साडी सुटेल", " तिने चप्पल हातात का घेतली दुसरी विकत घेतली असती इतकी श्रीमंत आहे ती", " आणि भररस्त्यात सामान्य माणूसपण पळत नाही असं केलं तर हाड मोडेल ना" अशा प्रतिक्रिया या तिच्या व्हिडिओवर आल्या आहेत.