मुंबई : चित्रपटांसह मालिकांची लोकप्रियताही सर्वाधिक आहे. त्यामुळे विविध भाषांतील मालिका लोक आर्वजुन पाहतात. झी मराठी वाहिनीवरील प्रसिद्ध मालिका 'माझ्या नवऱ्य़ाची बायको' ही लोकांच्या पसंतीत उतरली आहे. टीआरपीच्या आकड्यातही ही मालिका अव्वल आहे. पण, खऱ्या आयुष्यातील गॅरीची बायको कोण आहे हे तुम्हाला माहित आहे का ? 

या मालिकेमधील राधिका, गुरुनाथ आणि शनाया या व्यक्तीरेखांना लोकांनी प्रचंड प्रेम दिले. राधिकाला धोका दिलेल्या गॅरीची भूमिका नकारात्मक असली तरी खऱ्या जीवनात लोकांना तो तितकाच आवडतो.  गॅरी म्हणजे अभिनेता अभिजित खांडकेकर याच्या बायकोचं नाव आहे सुखदा खांडकेकर. 

या क्युट कपलचं लव्हमॅरेज आहे. अभिजीत आणि सुखदा यांच्या एका कॉमन फ्रेंडमुळे त्या दोघांची ओळख झाली. मैत्रीचं रुपांतर मग प्रेमात झालं. 

काही वर्षे डेट केल्यावर हे दोघं लग्नबंधनात अडकले. सुखदा सोशल मीडियावर अॅक्टीव असते. अभिजीत आणि सुखदा एकमेकांसोबतचे फोटो इन्स्टाग्रावर शेअर करत असतात. या कपलचं एकमेकांवर खूप प्रेम आहे ते त्यांच्या फोटोंवरुनच लक्षात येते. 

सुखदाही उत्तम नृत्यांगना आणि अभिनेत्री आहे. सुखदा ही कथ्थक नृत्यांगनाआहे. सध्या ती हिंदी सिनेसृष्टीमध्ये काम करत आहे. 'हीच तर प्रेमाची गंमत आहे' आणि मकरंद देशपांडे यांच्या 'शेक्सपिअरचा म्हतारा' या मराठी नाटकांतून तीने कां केलं आहे.

तर, 'देवदास', 'कनुप्रिया', 'डूबधान', 'धारा की कहानी' आणि 'उमराव' अशा हिंदी नाटकांमध्येही तिनं काम कंल आहे. विशेष म्हणजे संजय लीला भन्साली यांच्या बाजीराव मस्तानी या चित्रपटातही तिनं काम केलं आहे. हिंदी मालिकांमधूनही ती झळकली आहे.