Malaika Arora Trolled: प्रसिद्ध बॉलिवूडची अभिनेत्री मलायका अरोरा खूप लोकप्रिय आहे. वयाची पन्नाशी गाठणाऱ्या मलायकाच्या सौंदर्याचे आणि स्टाईलचे चाहते कौतुक करत असतात. मलायकाने या वयातही स्वत: ला फिट ठेवले आहे. मलायकाचे बरेच फोटो सोशल मिडियावर व्हायरल होत असतात. मलायका चित्रपट क्षेत्रात जास्त सक्रिय नसली तरी ती तिच्या वैयक्तिक आयुष्यामुळे चर्चेत असते.

मलायकाची लव्ह लाईफ, फोटो आणि डान्समुळे तिची सोशल मीडियावर चर्चा असते. मात्र बऱ्याचदा मलायका तिच्या फोटो आणि व्हिडिओमुळे ट्रोल देखील होत असते.

मलायका नुकतीच एका कार्यक्रमात गेली होती. नेहमी प्रमाणे मलायका या कार्यक्रमातही बोल्ड आणि स्टाईलिश आउटफिटमध्ये दिसली. मात्र नेटकऱ्यांना मलायकाचा हा लूक मुळीच पटलेला नाही. त्यांनी मलायकाला वाईटरित्या ट्रोल करण्यास सुरुवात केली आहे. इतकच नाही तर अनेकांनी तिची तुलना उर्फी जावेदसोबत केली जात आहे.

मलायका अरोरा काल एका कार्यक्रमात पोहोचली होती. यावेळी मलायकाने एक्वा-ब्लू बॉडी फिट शिमरी गाउन परिधान केला होता. मोठे कानातले आणि हाय हिल्स घालत तिने हा लूक पुर्ण केला होता.

'मलायका उर्फी ला टक्कर देत आहे' अशी एक कमेंट तिच्या या पोस्टला आली आहे तर दुसर्‍याने लिहिले की, 'आजकाल फॅशनच्या नावावर लोक काहीही परिधान करतात'. एकानं लिहिलंय की, 'हे कोणत्या कंपनीचे डिझाइन आहे?' तर एक नेटकरी लिहितो की, 'उर्फीचं नाव तर उगाच चर्चेत आहे.'

मलायकाच्या वर्कफ्रंटबद्दल बोलायचं झालं तर मलायका अरोरा शेवटची आयुष्मान खुरानाच्या 'अ‍ॅक्शन हिरो' चित्रपटातील आप जैसा कोई गाण्यात दिसली होती. सध्या ती झलक दिखला जा या शोमुळे चर्चेत आहे. मलायका हा शो जज करणार अशी चर्चा आहे.

तर मलायकाच्या वैयक्तिक आयुष्याबद्दल बोलायचे झालं तर ती अर्जुन कपूरला डेट करत आहे. काही दिवसांपुर्वी मलायका आणि अर्जुनच्या ब्रेकअपच्या बातम्या व्हायरल झाल्या होत्या. या वयात मलायका तिच्या फिटनेसची विशेष काळजी घेते.