ंManoj Jarange Movie News: मनोज जरांगेंनी आंदोलनाची सध्या महाराष्ट्रभर चर्चा आहे. अशातच आज मनोज जरांगेंनी मराठा आरक्षण देण्यासाठी सरकारला एक महिन्याची मुदत दिलीय.

आंदोलनाच्या पार्श्वभुमीवर आज जालना आंतरवाली सराटी येथे मनोज जरांगेंच्या हस्ते त्यांच्या सिनेमाचं पोस्टर लॉंच झालंय. संघर्षयोद्धा असं या सिनेमाचं नाव असुन सिनेमात स्वतः मनोज जरांगे भुमिका साकारणार आहेत.

हा कलाकार साकारणार मनोज जरांगे पाटलांची भुमिका

आता संघर्ष मोठया पडद्यावर ..... मनोज जरांगे पाटील यांच्या आयुष्यावरील चित्रपटाचं पोस्टर स्वतः जरांगे पाटील यांच्या हस्ते प्रदर्शित झालंय. यावेळी जरांगे पाटील यांची भूमिका करणारे अभिनेते रोहन पाटील , लेखक , निर्माते गोवर्धन दोलताडे , दिग्दर्शक शिवाजी दोलताडे आणि इतर कलाकार व सर्वच टीम उपस्थित होती.

मनोज जरांगे पाटील यांच्या आयुष्यावर सिनेमा

सामच्या वृत्तानुसार, मनोज जरांगे यांच्या जीवनावर चित्रपट बनवला जाणार आहे. संघर्ष योद्धा मनोज जरांगे पाटील या नावाने चित्रपट बनवणार असल्याची शक्यता आहे.

याशिवाय सिनेमाचं प्राथमिक नाव 'खळग' असल्याची माहिती मिळतेय. या सिनेमाच्या मेकिंगसाठी खळग चित्रपटाची टीम जरांगे यांच्या भेटीला गेली असल्याची चर्चा आहे. या चित्रपटात स्वतः मनोज जरांगे पाटील हे सुद्धा भूमिका सााकारणार असल्याचं बोललं जातंय.

कधी सुरु होणार सिनेमाचं शुटींग

मनोज जरांगे पाटील यांच्या आयुष्यावर आधारीत सिनेमाचं दिग्दर्शन शिवाजी दोलताडे करत आहेत. तर डी गोवर्धन दोलताडे सिनेमाचे निर्माते आहेत.

अभिनेता रोहन पाटील सिनेमात मनोज जरांगे पाटील यांची भुमिका साकारणार असं समजतंय. या वर्षाच्या अखेरीस म्हणजेच डिसेंबर २०२३ पासून सिनेमाच्या शूटिंगला सुरुवात होईल.

आजच मनोज जरांगे यांनी आंदोलनासंबंधी महत्वाचा निर्णय घेतला. आणि या पार्श्वभुमीवर मनोज जरांगेंच्या हस्ते संघर्षयोद्धा सिनेमाचं पोस्टर लॉंच करण्यात आलं.