Sandeep Pathak On Politics: नाटक, सिनेमा, मालिका, सूत्रसंचालन अशा विविध माध्यमांमधून घराघरांत पोहोचलेला अभिनेता संदीप पाठकनं प्लॅनेट मराठीवरील 'पटलं तर घ्या' या चॅट शो दरम्यान आपल्या वैयक्तिक,व्यावसायिक आयुष्याविषयी बोलताना देशाच्या राजकारणावरही आपलं परखड मत व्यक्त केलं आहे.

संदीप पाठकनं सर्वसामान्यांच्या मनातला मुद्दा मांडला जेव्हा तो देशाच्या राजकारणावर बोलला. सध्या शो चा प्रोमो सोशल मीडियावर भलताच गाजतोय. उद्या १७ फेब्रुवारी रोजी 'पटलं तर घ्या' चा हा पूर्ण एपिसोड आपल्या भेटीस येत आहे. (Marathi Actor: Sandeep pathak on politics patla tar ghya chat show )

यावेळी या शोमध्ये पुष्कर श्रोत्री यांच्यासोबत संदीप पाठकही आहेत. ‘आपल्या देशाचं कालचं, आजचं आणि उद्याचं राजकारणही रस्ते देऊ, पाणी देऊ आणि वीज देऊ याभोवतीच फिरणार आहे. यातून आपण कधी बाहेर पडणार आहोत, असा प्रश्न या शोमध्ये संदीप पाठक यांनी उपस्थित केला आहे. त्यामुळे यंदाच्या एपिसोडमध्ये वातावरणात थोडं गांभीर्य येणार आहे

या भागात पुष्कर आणि संदीप यांनी त्यांच्या कारकिर्दीतील काही धमाल किस्से शेअर केले आहेत. सोबतच सामाजिक आणि राजकीय मुद्द्यांवरही आपली परखड मतं व्यक्त केली आहेत. त्यामुळे यावेळचा 'पटलं तर घ्या विथ जयंती'चा भाग जबरदस्त असणार हे नक्की !