मुंबई - मराठी चित्रपट आणि मालिकांमधून आपल्या सौदर्याने आणि अभिनयाने प्रेक्षकांना भुरळ पाडणारी अभिनेत्री म्हणजे ऐश्वर्या नारकर. ऐश्वर्याचे पती अविनाश नारकर हेसुद्धा उत्तम नट आहेत. ही जोडी  'श्रीमंता घरची सून' या मराठी मालिकेमधून प्रेक्षकांच्या भेटीस येत आहे.

ऐश्वर्या आणि अविनाश यांचा मुलगा अमेय नारकर हा मॉडेल आहे. त्याच बरोबर तो विविध थिएटर ग्रुपसोबत काम करतो. अमेय सोशल मिडीयावर खूप अॅक्टिव असतो. त्याच्या सोशल मिडीयावर तो तृषा नायक सोबत फोटो पोस्ट करत असतो. तृषा नायकचा अनमयीवस्त्र हा कपड्यांचा ब्रॅाण्ड आहे. अमेय सोशल मीडियावर तृषाचे फोटो नेहमी पोस्ट करतो. तसंच त्याला वेगवेगळे कॅप्शनही देत असल्यानं दोघे रिलेशनशिपमध्ये आहेत अशी चर्चा रंगली होती.

तृषाच्या इन्स्टाग्राम अकाउंटचा डीपी फोटोसुद्धा अमेयासोबत आहे. लॉकडाऊनमध्ये तृषा आणि अमेय एकत्र होते तेव्हा ते दोघे अनेक फोटो सोशल मीडियावर पोस्ट करत होते. अमेयने  तृषासोबत एक खास फोटो पोस्ट केला होता 'बहीण भाऊ वाटतो असे कॅप्शन दिले होते. बहीण भाऊ नाही तर मग कोण आहात? असा प्रश्न सर्वानी विचारला तेव्हा पासून त्या दोघांच्या नात्याची चर्चा सुरु झाली.

हे वाचा - हॉलिवूडची गोड अभिनेत्री करणार प्रिन्सेस डायनाचा रोल

दरम्यान या दोघांचे ब्रेकअप झाले असंही म्हटलं जात होतं. पण काही दिवसापूर्वी अमेयने तृषाचा एक खास फोटो पोस्ट केला होता. ऐश्वर्याने हार्ट्सचे ईमोजी पाठवून कंमेंट केली होती. या कमेंटमुळे आता सून पंसत आहे अशी चर्चा रंगली आहे.