Amruta Khanvilkar News: अमृता खानविलकर ही मराठी मनोरंजन विश्वातील चर्चेतील अभिनेत्री. अमृताला आपण आजवर अनेक मालिका, सिनेमे, वेबसिरीजमधून अभिनय करताना पाहिलंय.

अमृताचे विविध फोटो सोशल मीडियावर चर्चेत असतात. अमृताचे लेटेस्ट फोटो सोशल मीडियावर व्हायरल झाले आहेत. अमृताच्या फोटोंवर नजर मारली, तर अमृता एका परदेशी बेटावर फिरायला गेली आहे.

अमृता खानविलकर मॉरिशसला गेली आहे. अमृताने मॉरिशसच्या समुद्रकिनाऱ्यावरचे सुंदर फोटो शेअर केलेत. अमृता हे फोटो शेअर करत लिहीते, "खुप भन्नाट ट्रीप. खुप आठवणी. थोडीशी वाळू. खुप सूर्यप्रकाश आणि भन्नाट ट्रीप. मैत्रीणींसोबत केलेली मजा आणि रात्रभर मारलेल्या गप्पा. श्रेया सारखी नवी मैत्रीण मला मिळालीय. मॉरिशियन फूड आणि गोड पदार्थ अत्यंत चविष्ट..

मॉरिशस ही एक अशी जागा आहे जिथे तुम्हाला सारखं सारखं यावंसं वाटेल. सध्या तरीही मी निरोप घेतेय मॉरिशसचा पण पुन्हा नक्कीच येईल."

अशाप्रकारे अमृता (Mauritius) मॉरिशसच्या प्रेमात आहे असं म्हणता येईल.

अमृताचे आगामी सिनेमे...

अमृता खानविलकर आगामी कलावती सिनेमात झळकणार आहे. हा सिनेमा हॉरर कॉमेडी असल्याचं सांगितलं जातंय.

याशिवाय अमृता खानविलकर प्रसाद ओकसोबत आगामी सिनेमात एकत्र झळकणार आहेत. हा सिनेमा म्हणजे पठ्ठे बापूराव. शाहिरी परंपरेतलं अजरामर नाव असलेल्या लोकशाहीर पठ्ठे बापूराव यांचं जीवनचरित्र 'पठ्ठे बापूराव' या चित्रपटाच्या माध्यमातून मोठ्या पडद्यावर घेऊन येणार आहे.

या चित्रपटात अमृता खानविलकर “पवळा” च्या भूमिकेत दिसणार आहे. घटस्थापनेच्या मुहूर्तावर या चित्रपटाच्या पोस्टरचे अनावरण सोशल मीडियावर करण्यात आलं होतं.