मुंबई : मराठमोळी अभिनेत्री अमृता खानविलकरनं स्वतःची वेगळी ओळख निर्माण केलीय. हिंदी-मराठी सिनेमांमध्ये तिनं आपला ठसा उमटवलाय. केवळ मराठीच नव्हे तर, अमराठी नागरिकही तिचे मोठे फॅन आहेत. मेघना गुलझारच्या राझीमध्ये तिनं केलेली मुनिरा असले किंवा, आणि डॉ. काशिनाथ घाणेकर सिनेमात तिनं अभिनेत्री संध्या यांची केलेली छोटी भूमिका असेल. या भूमिकांनी तिच्या असा एक चाहता वर्ग तयार झाला आहे. अमृता सुरुवातीपासूनच आपल्या फिटनेसकडं खूप बारकाईनं लक्ष देते.
अमृताला हवंय सेल्फ मोटिवेशन
अमृता सध्या फिटनेस ट्रेनर वैशाली भोईरकडं ट्रेनिंग घेत आहे. अमृतानं नुकताच तिच्या इन्स्टाग्राम अकाऊंटवर वर्कआऊट करतानाच एक व्हिडिओ शेअर केलाय. त्यात ती मेहनत घेताना दिसत आहे. हा व्हिडिओ शेअर करताना तिनं, सेल्फ मोटिवेशनसाठी शेअर केल्याचं म्हटलंय. अमृताला पाहिल्यानंतरच ती फिटनेससाठी कोणतिही तडजोड करत नसल्याचं स्पष्ट दिसतं.
अमृतानं योगाचंही शास्त्रोक्त प्रशिक्षण घेतलंय.
अमृता खतरोंके खिलाडीमध्ये?
खतरोंके खिलाडीच्या दहाव्या सिझनमध्ये कोण कोण असणार याची घोषणा नुकतीच झालीय. त्यात करिश्मा तन्नासह अमृता खानविलकर हे नाव असल्यानं अमृताच्या चाहत्यांना आनंद झालाय. खतरोंके खिलाडी हा खूपच आव्हानात्मक रिअॅलिटी शो आहे. त्यासाठी चांगली तयारी असणं खूप महत्त्वाचं आहे. त्यामुळेच कदाचित अमृता खानिवलकर जीममध्ये मेहनत घेताना दिसत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.