रविवारी महाराष्ट्राच्या राजकारणात भयंकर मोठा स्फोट झाला. त्यातच राष्ट्रवादीत झालेल्या भुकंपाचे धक्के अख्या महाराष्ट्राला जाणवले. राष्ट्रवादीचे ज्येष्ठ नेते अजित पवार यांनी काल खरी भाकरी फिरवली. अजित पवार यांच्यासह 9 आमदारांनी काल शिंदे-फडणवीस सरकारला पाठिंबा दिला.

इतकच नाही तर राजभवनात काल शपथविधीही पार पडला. अजित पवार यांनी काल उपमुख्यमंत्रपदाची शपथ घेतली. त्याचबरोबर 9 नेत्यांनीही शपथ घेतली. काल दुपारी अचानक झालेल्या या घडामोडींकडे पाहता एखाद्या सिनेमाच्या क्लायमॅक्सलाही लाजवेल असं काहीसं चित्र घडलं.

दरम्यान या प्रकरणानंतर अनेक राजकिय नेत्यांनी आपल्या प्रतिक्रियाही दिल्यात. त्यातच मराठी मनोरंजन विश्वातील लोकप्रिय कलाकारांच्या प्रतिक्रियाही चर्चेत आल्या. त्यात सोनाली कुलकर्णी, शरद पोंक्षे, स्वप्नील जोशी, हेंमत ढोमे अशा अनेक कलाकारांनी पोस्ट शेयर केल्या आहेत.

महाराष्ट्राच्या राजकीय परिस्थितीवर अभिनेता हेमंत ढोमे याने पोस्ट शेयर केली. तो आपल्या ट्वीटमध्ये म्हणतो की, "खेळ तर आता सुरु झालाय…"

तर दुसरीकडे स्वप्नील जोशीनेही कोणत्याही राजकिय पक्षाचा उल्लेख न करता एक सुचक पोस्ट केली आहे. त्यात तो म्हणतो, "उत्तम पटकथा लिहिण्याची कला"

तर अचानक झालेल्या राजकिय घडामोडींवर प्रतिक्रिया देत सोनाली कुलकर्णीनेही इंस्टाला स्टोरी टाकली आहे, ती तिच्या स्टोरीत म्हणते की, 'पाऊस आणि भूकंप एकत्र? हे चाललंय तरी काय?'

तर दुसरीकडे "भेळ हवीये भेळ ???? सर्वोत्तम भेळ आमच्या महाराष्ट्रात मिळेल !!!!" असं ट्वीट करत तेजस्विनी पंडितही चर्चेत आली होती. तर सुबोध भावे ने मी जरा एक दिवस मुंबईच्या बाहेर काय गेलो.....क्रमश: असं म्हणत चिमटा काढला आहे. आता कलाकरांच्या या ट्वीटवर आणि पोस्टवर नेटकरी प्रतिक्रिया देत आहे.