मुंबई : सध्या मराठी चित्रपटाची सर्वत्र जोरदार चर्चा होताना दिसत आहे, या चित्रपटानंतर अभिनेत्री हृता दुर्गुळे, प्रथमेश परब आणि दिग्दर्शक रवी जाधव यांचे सर्वांनीं भरभरून कौतुक केले जात आहे, यादरम्यान मराठी एकीकरण समितीकडून या चित्रपटात दाखवलेल्या राष्ट्रभाषेसंबंधी माहितीवर आक्षेप घेण्यात आला आहे.

या चित्रपटातील दृष्यात हिंदी ही राष्ट्रभाषा असल्याचे दाखवण्यात आल्याचे दृष्य काढून टाकण्यात यावे अशी मागणी करण्यात आली आहे. यासंबंधीच्या मराठी एकीकरण समिती महाराष्ट्र राज्य यांच्या फेसबुक पेजवर एक पोस्ट करण्यात आली आहे. या पोस्टमध्ये टाईमपास ३ चे दिग्दर्शक रवी जाधव यांना तुमच्या चित्रपटाच हिंदी राष्ट्रभाषा अशी खोटी माहिती दाखवली आहे, असा अक्षेप घेण्यात आला आहे. पुढे या पोस्टमध्ये राष्ट्रभाषा असण्याचे पुरावे द्या, अन्यथा माफी मागा, अशी मागणी देखील करण्यात आली आहे. तसेच अफवा पसरवणे गुन्हा असून तो आपण करत आहात चित्रपटातील ते दृश्य तातडीने काढून टाकावे. आपण सकारात्मक प्रतिसाद द्याल ही अपेक्षा, असे अवाहन देखील करण्यात आले आहे.