Titeeksha Tawde: अनेक मराठी मालिका,सिनेमे आणि त्यानंत 'शाब्बास मिथ्थू' सारख्या बॉलीवूडच्या सिनेमातून आपल्या अभिनयाची चुणूक दाखवलेली तितिक्षा तावडे सध्या झी मराठी वरील 'सातव्या मुलीची सातवी मुलगी' या मालिकेतून आपल्याला दिसत आहे. तिची नेत्रा ही भूमिका थोड्याच दिवसांत घराघरात आवडू लागली आहे. आतापर्यंत केवळ सोज्वळ भूमिकांमध्ये दिसणारी तितिक्षा या मालिकेत मात्र सुपर वुमनच्या थाटात दिसत आहे.

आपल्या या भूमिकेविषयी भरभरून बोलताना तितिक्षानं सकाळला दिलेल्या पॉडकास्ट मुलाखतीत आपल्या अध्यात्मिक प्रेमाविषयी देखील बोलून दाखवलं आहे. आपण पहिल्यांदा अध्यात्मिक नव्हतो,मात्र अक्कलकोटच्या त्या एका अनुभवानं आपल्याला अध्यात्मिक बनवलं असा खुलासा तितिक्षा तावडेनं या मुलाखतीत केला आहे. तितिक्षाला प्रत्यक्ष आयुष्यात मिळालेला संकेतच जणू तिनं एक्सक्लुसिव्हली बोलून दाखवला आहे. मुलाखत बातमीत जोडली आहे,ती नक्की ऐका.

सध्या झी मराठीवरील 'सातव्या मुलीची सातवी मुलगी' या मालिकेत नेत्रा ही तितिक्षानं साकारलेली व्यक्तिरेखा लोकांना भावतेय. ती साधीभोळी असली तरी तिला देवीचं अलौकीक वरदान मिळालेलं आहे ज्याचा ती गरजू लोकांसाठी वापर करताना दिसत आहे. आपल्या या भूमिकेविषयी बोलताना तितिक्षानं श्रद्धा,भक्ती अशा अध्यात्माशी जोडलेल्या काही खास गोष्टींचा तिला आलेला अनुभव शेअर केला आहे.

मालिकेतील पडद्यामागचे काही हटके अनुभव देखील तितिक्षानं शेअर केले आहेत. या मुलाखतीत तितिक्षानं तिला संकेत मिळतानाचा सीन नेमका कसा शूट होतो याचा मोठा खुलासा केला आहे. संकेत मिळताच तितिक्षाच्या कानामागून दरवेळेस विशिष्ट प्रकारे घाम गळतो त्यासाठी नेमकं काय केलं जातं याचा देखील मोठा खुलासा तितिक्षानं केला आहे. तेव्हा बातमीत वर जोडलेली तितिक्षाची पॉडकास्ट मुलाखत ऐकायला विसरू नका.