मुंबई : कोरोना विषाणूचा प्रादुर्भाव रोखण्यासाठी संपूर्ण देश लॉकडाऊन करण्यात आला आहे. त्यामुळे सगळेच लोक घरीच थांबून सोशल डिस्टंन्सिंग पाळत आहेत. देशभरात दिवसेंदिवस कोरोना बाधितांची संख्या वाढत चालली आहे. देशातील करोना विषाणूचं संकट दूर करण्यासाठी डॉक्टर्स, नर्सेस, कर्मचारी, पोलिस हे आपल्या जीवाची पर्वा न करता दिवसरात्र प्रयत्न करत आहेत. या काळात देशभरातील चित्रीकरण बंद आहे. त्यामुळे सर्व कलाकार कुटुंबासोबत आपला मौल्यवान वेळ घालवत आहेत. सर्वच कलाकार आपल्या घरी राहून सोशल डिस्टन्सिंग, घराबाहेर पडू नका, काळजी घ्या असे आवाहन करणारे व्हिडिओ शेअर करत आहेत. यातच अनेकांनी नवीन संकल्पना आणत त्यांचे आभार मानणारे पोस्ट शेअर केले आहेत. यात बॉलिवूड कलाकारांबरोबर मराठी कलाकारही डॉक्टर्स, नर्सेस पोलिस यांचे आभार मानण्यासाठी बरीच गाणी प्रेक्षकांच्या भेटीला आली. यातच आणखी एक गाण्याचा व्हिडिओ समोर आला आहे. टी-सीरिज हे गाणं घेऊन आलं आहे. 'ये दिन भी ढलेंगे' असे या गाण्याचे नाव आहे. या गाण्यातून डॉक्टर्स, नर्सेस, कर्मचारी, पोलिस यांचे आभार मानले आहेत आणि जनतेला धीर न सोडण्याचा संदेश या गाण्यातून देण्यात आला आहे. 

हे ही वाचा: सह-कलाकाराला जास्त फुटेज मिळू नये म्हणून श्रीदेवी जेव्हा थेट त्यांचे सीन्संच कट करायला लावायची तेव्हा...

या गाण्यातून देशवासीयांना कोरोनाच्या विरोधात लढण्याचे प्रोत्साहन दिले आहे. कोणतीही वेळ दीर्घकाळ टिकत नाही. सध्याचे वाईट दिवस जातील आणि नवी पहाट लवकरच सर्वांना पाहायला मिळेल असा संदेश या गाण्यातून देण्यात आला आहे. या गाण्यात डॉ. प्रकाश आमटे, डॉ. मंदाकिनी आमटे, शरद पोंक्षे, विजय पाटकर, जयवंत वाडकर, सुनील बर्वे, सिद्धार्थ जाधव, मानसी नाईक, स्मिता तांबे, भार्गवी चिरमुले, समृध्दी पोरे , मोहन आगाशे, भारत गणेशपुरे, आशिष चौगुले, विशाल पाटील, अशोक मुन्ने, समीर धर्माधिकारी आदी कलाकार झळकले आहेत. या गाण्याची निर्मिती टी-सीरिज ने केली आहे. हे गाणं समृध्दी पोरे यांनी लिहिले आणि दिग्दर्शित केले आहे. तर गायक स्वरूप भालवनकर यांनी संगीतबद्ध केले आहे.

याशिवाय गायक सुदेश भोसले, स्वरूप भालवनकर गायिका वैशाली सामंत, जान्हवी प्रभू अरोरा, कीर्ती किल्लेदार यांनी हे गाणं गायलं आहे. हे गाणं सर्व कलाकारांनी घरी राहूनच चित्रित केले आहे. याआधी बॉलिवूड कलाकार आणि मराठी कलाकारांनी देखील जनेतला आवाहन करणारी गाणी प्रेक्षकांसमोर आणली आहेत.  

marathi star share ye din bhi dhalenge encouraging song on coronavirus lockdown