Me Honar Superstar Chhote Ustaad 2 Sankalp Kale Winner: मराठी मनोरंजन विश्वातील लोकप्रिय शो 'मी होणार सुपरस्टार छोटे उस्ताद' चा दिसरा सीझन गेल्या काही दिवासांपासून प्रेक्षकांचे मनोरंजन करत होता. स्टार प्रवाहवरील या कार्यक्रमात अनेक बाल कलाकारांनी आपल्या आवाजची मोहणी सर्वांवर पसरवली.

गेल्या काही दिवसांपासून सुरु असलेल्या या शोचा महाअंतिम सोहळा रविवारी मोठ्या उत्साहात पार पडला.

सहा छोट्या उस्तादांमध्ये झालेल्या या महाअंतिम सोहळ्याच्या लढतीत जालन्याच्या संकल्प काळेने बाजी मारली आहे.

संकल्प काळे सबोतच या महाअंतिम सोहळ्यात श्रुती भांडे, श्रेया गाढवे, सृष्टी पगारे, रागिणी शिंदे आणि काव्य भोईर छोट्या उस्तादांमध्ये शेवटची स्पर्धा रंगली. सर्व छोट्या कलाकारांनी ही स्पर्धा जिंकण्यासाठी आवाजाची बाजी लावली.

त्यामुळे या महाअंतिम सोहळ्यात सुरेल गाण्याची मैफील रंगली होती. या लढतीत जालन्याच्या संकल्प काळेने विजेता ठरला तर अकोल्याची श्रुती भांडे हिने उपविजेते पद मिळवले. यासोबतच नाशिकच्या सृष्टी पगारेने तृतीय क्रमांक मिळवला.

तर श्रेया गाढवे, रागिणी शिंदे आणि काव्य भोईर यांना देखील त्याच्या कामगिरीसाठी परिक्षकांकडून गौरवण्यात आलं.

विजेता ठरलेल्या संकल्प काळेला 'मी होणार सुपरस्टार छोटे उस्ताद 2' ट्रॉफी चार लाखांचा धनादेश देण्यात आला.

यावेळी संकल्पने स्टार प्रवाहने दिलेल्या संधीबद्दल सर्वाचं आभार मानले. इतक्या दिवसांच्या मेहनतीचं फळ मिळाल्यामुळे आनंद व्यक्त करत त्याने सचिन पिळगावकर, वैशाली सामंत आणि आदर्श शिंदे यांच्याकडून खुप काही शिकायला मिळाल्याचे सांगितले.