मुंबई- ‘मैने प्यार किया’ सिनेमातील अभिनेत्री भाग्यश्री सध्या खूपंच चर्चेत आहे. ब-याच वर्षांनी तिने बॉलीवूडमध्ये कमबॅक केलं आहे. आता तर तिचा मुलगा अभिमन्यू दासानी आणि दंगल गर्ल अभिनेत्री सन्या मल्होत्रा लग्न करणार आहेत. पण हे खरंखुरं लग्न आहे की आणखी काही असा प्रश्न चाहत्यांना पडला आहे. 

हे ही वाचा: पारंपारिक वेशभुषेतील बिग बींचा लूक, सेल्फीमध्ये दिसल्या जया आणि श्वेता    

अभिनेत्री भाग्यश्री आता चर्चेत आलीये ती तिच्या मुलामुळे. भाग्यश्रीचा मुलगा अभिमन्यु आणि अभिनेत्री सन्या मल्होत्रा एका सिनेमाच्या निमित्ताने चर्चेत आले आहेत. ‘मिनाक्षी सुंदरेश्वर’ असं या सिनेमाचं नाव असून यामध्ये अभिमन्यू आणि सन्या मुख्य भूमिका साकारत आहेत. हा रोमॅण्टिक कॉमेडी सिनेमा नेटफ्लिक्स या ओटीटी प्लॅटफॉर्मवर रिलीज होणार आहे. विवेक सोनी या सिनेमाचे दिग्दर्शक आहेत.

या सिनेमात अभिमन्यु आणि सन्या यांच लग्न आहे. आयुष्यातील वेगवेगळ्या प्रश्नांना सामोरं जाणाऱ्या मदुराईतील एका तरुण जोडप्याची ही कहाणी आहे. या सिनेमाचा फर्स्ट लूक नुकताच रिलीज झाला असून यामध्ये सन्या आणि अभिमन्यू वधू-वराच्या वेशभूषेत पाहायला मिळतायेत. तमिळ वधूप्रमाणे सन्याने कांजीवरम साडी आणि त्यावर सोन्याचे दागिने घातले आहेत. तर अभिमन्यूने वेष्टी आणि अंगवस्त्रम परिधान केलंय.

अनुराग बासूच्या ‘ल्युडो’ या सिनेमानंतर सन्याचा हा दुसरा सिनेमा ओटीटी प्लॅटफॉर्मवर येतोय. तर अभिमन्यूचा हा पहिलाच सिनेमा आहे. जो ओटीटी प्लॅटफॉर्मवर रिलीज होतोय. मात्र या सिनेमाच्या रिलीजची तारीख अजुनही जाहीर करण्यात आलेली नाही.  

meenakshi sundareshwar first look sanya malhotra abhimanyu dassanis south indian wedding