मुंबई- अभिनेते आणि फिटनेस मॅन म्हणून ओळखले जाणारे मिलिंद सोमण आणि अंकिता कुंवर बॉलीवूडचे सगळ्यात फिट कपल म्हणून प्रसिद्ध आहेत. दोघांची सोशल मिडियावर देखील चांगलीच चर्चा असते. दोघंही त्यांच्या चाहत्यांसाठी त्यांचे फिटनेसच व्हिडिओ शेअर करत अनेकांना प्रेरणा देतात. इतकंच नाही तर त्यांच्या रोमँटीक व्हिडिओंना देखील चाहत्यांची चांगली पसंती मिळते. असाच एक रोमँटिक व्हिडिओ व्हायरल होतोय ज्यामध्ये दोघंही रोमँटिक डान्स करताना दिसत आहेत.

हे ही वाचा: अनुपम खेर यांनी आईसोबत डान्स करतानाचा व्हिडिओ केला पोस्ट

हा व्हिडिओ मिलिंद यांची पत्नी अंकिताने तिच्या इंस्टाग्राम अकाऊंटवर पोस्ट केला आहे. या व्हिडिओमध्ये दोघंही एकमेकांना मिठी मारत पावसाचा आनंद घेत डान्स करत आहेत.

चाहत्यांसोबत शेअर केलेला हा व्हिडिओ पोस्ट करताना अंकिताने लिहिलंय, 'पावसाचे थेंब, संगीत आणि तु. यापेक्षा सुंदर काहीच नसू शकतं.' या व्हिडिओला त्यांनी लव्ह, डान्स, लाईव्ह सारख्या हॅशटॅगचा वापर करत मिलिंद सोमण यांना देखील टॅग केलं आहे.  मिलिंद सोमण आणि अंकिता कुंवर ही जोडी फिटनेसमुळे सोशल मिडियावर चांगलीच ऍक्टीव्ह असते.आणि फिटनेसविषयीच्या पोस्ट त्यांच्या चाहत्यांसाठी देखील शेअर करत असतात.

नुकतंच त्यांनी ७५ दिवसांनतर लॉकडाऊन संपल्यावर त्यांच्या पहिल्या जॉगिंगचा फोटो पोस्ट केला होता. या जॉगिंगची सुरुवात त्यांनी ५ किलोमीटर पासून केली होती. फिटनेससोबतंच दोघंही त्यांच्या लव्हलाईफमुळे चर्चेत असतात. त्यांच्या अफेअरमुळे तर सोशल मिडियावर चर्चेला उधाण आलं होतं.

अनेकदा दोघं  बोल्ड फोटो आणि व्हिडिओंमुळे देखील चर्चेत असतात. मात्र चाहत्यांना त्यांच्या लव्हलाईफच्या फोटो आणि व्हिडिओंची उत्सुकता असते आणि त्यांच्या पोस्टना चाहते पसंत देखील करतात.   

milind soman and ankita konwar seen dancing and enjoying the rains