मुंबई- कोरोना व्हायरसचा कहर दिवसेंदिवस वाढतंच चालला आहे. भारतात या खतरनाक व्हायरसचं सावट अजुनही आहे. काही सेलिब्रिटींनी तर कोरोना व्हायरसमुळे या जगाचा निरोप घेतला. यादरम्यान बॉलीवूड अभिनेता मिलिंद सोमण यांनी खुलासा केला आहे की त्यांनी आत्तापर्यंत सातवेळा कोविड-१९ची टेस्ट केली आहे. 

हे ही वाचा: 'मिस्टर इंडिया'च्या फिमेल वर्जनला मिळालं शिर्षक, कतरिना असेल मुख्य भूमिकेत?  

मिलिंद सोमणने हा खुलासा सोशल मिडियावर केला आहे. ते सोशल मिडियावर खूप सक्रिय असतात. मिलिंद सोमण अनेकदा सामाजिक आणि राजकीय मुद्द्यांवर त्यांची प्रतिक्रिया देत असतात. त्यांनी सोशल मिडियावर खुलासा केला आहे की त्यांनी आत्तापर्यंत सातवेळा कोविड-१९ची टेस्ट केली आहे. मिलिंद सोमणने यामागचं कारण देखील सांगितलं आहे. 

मिलिंद सोमणने त्यांच्या ट्विटरवर लिहिलंय, 'काल सातवी कोविड टेस्ट केली जी निगेटीव्ह आली. लोकल ऍथॉरिटीजच्या म्हणण्यानुसार दरवेळी कोणा दुस-या शहरात किंवा देशात जाण्याआधी कोविड टेस्ट करावी लागली आहे.' सोशल मिडियावर मिलिंद सोमणचं हे ट्विट मोठ्या प्रमाणावर व्हायरल होत आहे. मिलिंद सोमणचे कित्येक चाहते त्याच्या या ट्विटवर कमेंट देत आहेत. 

याआधी मिलिंद सोमण सोशल मिडियावर त्यांचा न्यूड फोटो शेअर केल्याने चर्चेत आले होते. या फोटोवर कित्येकांनी विरोध दर्शवला होता. इतकंच नाही तर मिलिंद सोमण विरोधात तक्रार देखील दाखल केली आहे. त्यांच्या विरोधात अश्लिलता पसरवण्याच्या आरोपामध्ये केस दाखल करण्यात आली आहे.  

milind soman has tested coronavirus test seven time