मुंबईतील श्वेता शारदा हिने रविवारी मिस दिवा युनिव्हर्स 2023 चा मुकुट जिंकला. डान्सर आणि मॉडेल असलेली श्वेता या वर्षीच्या नोव्हेंबरमध्ये एल साल्वाडोर येथे होणाऱ्या ७२ व्या मिस युनिव्हर्स स्पर्धेत भारताचे प्रतिनिधित्व करणार आहे.

(Miss Diva Universe 2023 shweta sharda winning moment know details inside)

श्वेता शारदा करणार भारताचे प्रतिनिधित्व

मिस दिवा युनिव्हर्स स्पर्धा रविवारी मुंबईत पार पडली आणि दिल्लीची सोनल कुकरेजा मिस दिवा सुपरनॅशनल 2023 म्हणून उदयास आली. याशिवाय कर्नाटकची त्रिशा शेट्टी मिस दिवा युनिव्हर्स 2023 ची उपविजेती ठरली. कुकरेजा मिस सुपरनॅशनलच्या 12 व्या सीझनमध्ये भारताचे प्रतिनिधित्व करेल.

विजेत्या, श्वेता शारदा हिने इव्हेंटच्या ग्रँड फिनालेसाठी सोनेरी आणि तपकिरी चमकदार स्लिट गाऊन परिधान केला होता. विजेत्या म्हणून तिच्या नावाची घोषणा होताच ती भावूक झाली आणि गेल्या वर्षीची विजेती दिविता राय हिने तिचा मुकुट श्वेताला घातला.

कोण आहे श्वेता शारदा?

चंदीगडमध्ये जन्मलेली श्वेता वयाच्या 16 व्या वर्षी मुंबईत आली. फेमिना ब्युटी पेजेंट्स वेबसाईटनुसार, श्वेता शारदाला आर्थिक अडचणींमुळे मुंबईत सुरुवातीला काही वर्षे जगणं कठीण गेले.

22 वर्षीय श्वेताचे संगोपन तिच्या आईने एकटीने केले होते आणि तिने तिच्या आईला तिच्या आयुष्यातील सर्वात प्रभावशाली व्यक्ती म्हटले होते.

श्वेताने तिचे शिक्षण CBSE बोर्डांतर्गत पूर्ण केले आहे आणि ती इंदिरा गांधी राष्ट्रीय मुक्त विद्यापीठातून पदवीचे शिक्षण घेत आहे, असे फेमिना ब्युटी पेजंट्सने म्हटले आहे. एकुणच समस्त भारतीयांतर्फे श्वेताचं अभिनंदन