'फेमिना मिस इंडिया २०२२'(Miss India 2022) चा खिताब कर्नाटकच्या सिनी शेट्टीनं(SIni Shetty) जिंकला अन् तिच्यावर कौतुकाचा वर्षावही सुरु झाला. पण मग असं काय घडलं की लगेचच तिला ट्रोलही केलं जात आहे. सिनी शेट्टीचे काही जुने व्हिडीओ तिनं मिस इंडिया खिताब जिंकल्यावर जोरदार व्हायरल झाले. त्यातील काही तिचे डान्सिंग व्हिडीओ देखील होते. सिनीचा त्यातील एक व्हिडीओ जो सोशल मीडियावर शेअर केला गेला,ज्यात ती डान्स करताना दिसतेय ते पाहून आता तिला ट्रोलिंगचा सामना करावा लागत आहे.(MIss India 2022 Sini Shetty trolled,whats reason behind that?)

मिस इंडिया २०२२ सिनी शेट्टीच्या त्या व्हायरल झालेल्या डान्सिंग व्हिडीओत ती पांढऱ्या रंगाच्या लेहंग्यात डान्स करताना दिसत आहे. हा व्हिडीओ पाहिला की वाटतं तो खूप आधीचा म्हणजे जुना व्हिडीओ आहे. या व्हिडीओत सिनी खूप छान डान्स करताना दिसत आहे. पण याला पाहिल्यानंतर काही लोकांनी खूप घाणेरड्या प्रतिक्रिया दिल्या आहेत. एकानं लिहिलं आहे,'ही तर एकदम नॉर्मल मुलीसारखी दिसते आहे. हिच्यात मिस इंडिया बनण्यासारखं वेगळं काय आहे'. तर काहींनी सिनीची तुलना दिशा पटानीसोबत करत तिच्या लूकला नावं ठेवली आहेत.

२१ वर्षीय सिनी शेट्टीने मिस इंडिया २०२२ चा खिताब आपल्या नावावर केला आहे. सिनीनं तब्बल ३१ सौंदर्यवतीनं मागे टाकत,हा मिस इंडिया स्पर्धेचा मानाचा ताज पटकवला आहे. सिनी शेट्टी ही कर्नाटकी राहणारी असली तरी तिचा जन्म आणि शिक्षण हे मुंबईचं. मुंबईतील सेंट डोमिनिक सावियो शाळेत तिनं शालेय शिक्षण संपादन केलं आहे. त्यानंतर सोमैय्या कॉलेजमधून डिग्री संपादन करुन तिनं अकाउंट आणि फायनान्सचा देखील कोर्स केला आहे. सध्या ती चार्टर्ड अकाउंटचा देखील कोर्स करत आहे.