Mission Raniganj OTT Release: उत्तराखंडमधील सिल्क्यारा बोगद्याचा भाग कोसळून अडकलेल्या 41 मजुरांच्या सुटकेसाठी दोन आठवड्यांनंतरही अथक संघर्ष सुरू आहे. सगळे देशवासी हे कामगार सुखरुप बाहेर पडावे यासाठी प्रार्थना करत आहेत. अशाच एका घटनेवर अभिनेता अक्षय कुमार याचा मिशन राणीगंज हा सिनेमा काही दिवसापुर्वी प्रेक्षकांच्या भेटीला आला होता.

हा चित्रपट एका सत्य घटनेवर आधारित होता. यामध्ये अक्षय कुमार मुख्य भूमिकेत होता. 1989 मध्ये राणीगंजच्या कोळसा खाणीत अडकलेल्या कामगारांच्या बचावकार्याचे चित्रण या सिनेमात करण्यात आले आहे.

या चित्रपटात अक्षय कुमार जसवंत सिंग गिलची भूमिका साकारताना दिसला होता. जसवंत सिंग यांनी 65 मजुरांचे प्राण वाचवल्याबद्दल भारत सरकारच्या वतीने राष्ट्रपती रामास्वामी वेंकटरामन यांच्याकडून नागरी शौर्य पुरस्कार 'सोवंतम जीवन रक्षक पदक' देण्यात आले होते. 'मिशन राणीगंज' हा चित्रपट 6 ऑक्टोबर रोजी थिएटरमध्ये प्रदर्शित झाला होता.

या चित्रपटातील कलाकरांच्या अभिनयाचे सर्वत्र कौतुक झाले मात्र बॉक्स ऑफिसवर या चित्रपटाने केवळ 32 कोटींचा गल्ला जमवू शकला होता. आता ज्यांनी हा सिनेमा पाहिला नसेल त्यांच्यासाठी एक खास बातमी समोर आली आहे. 'मिशन राणीगंज' आता OTT वर रिलीज होण्यासाठी सज्ज आहे.

'मिशन राणीगंज' OTT प्लॅटफॉर्म Netflix वर येईल. 1 डिसेंबरपासून या चित्रपटाचा प्रीमियर होणार असल्याची चर्चा आहे. Netflixने ही माहिती पोस्ट आणि शेअर केली आहे.

'मिशन रानीगंज'मध्ये अक्षय कुमार आणि परिणीती चोप्रा यांच्या जोडी बरोबर दिव्येंदू भट्टाचार्य, रवी किशन, राजेश शर्मा, कुमुद मिश्रा, वरुण बडोला हे कलाकार आहेत. 'मिशन राणीगंज'चे दिग्दर्शन टिनू सुरेश देसाई यांनी केले आहे.

अक्षय कुमारच्या वर्कफ्रंटबद्दल बोलायचं झालं तर, तो 'बडे मियाँ छोटे मियाँ'मध्ये दिसणार त्याचबरोबर 'हेरा फेरी 3', 'वेलकम टू द जंगल', 'हाऊसफुल 5' आणि 'जॉली एलएलबी 3' या चित्रपटात काम करणार आहे.