मुंबई - गेल्या वर्षी मिस्टर लेले या हिंदी चित्रपटाचा फर्स्ट लूक रिलीज झाला होता. दिग्दर्शक शशांक खेतान यांनी केलेल्या या चित्रपटाच्या पोस्टरवर तेव्हा वरुण धवन प्रमुक भूमिकेत दिसत होता. वरुण आणि शशांक यांनी उत्साहात या चित्रपटाची सुरुवातही केली होती. दरम्यान, दोघांमध्ये बिनसल्यानं वरुणने चित्रपटात दिसणार नाही.
वरुण आणि शशांक यांच्यात स्क्रीप्टवरून मतभेद झाले. या मतभेदांमुळे चित्रपटाचे काय असा प्रश्न होता. चित्रपट बंद पडेल अशीही चर्चा रंगली होती. मात्र दिग्दर्शक खेतान यांनी स्क्रीप्टवर आणखी काम केले आहे. त्यानंतर आता वरुण जी भूमिका साकारणार होता त्यासाठी अभिनेता विकी कौशलला विचारले होते. विकी कौशलने या चित्रपटासाठी होकार दिला असल्याचे समजते.
मिस्टर लेले हा एका स्पाय कॉमेडीवर आधारीत चित्रपट आहे. वेगवेगळ्या भूमिका साकारलेल्या विकी कौशलला अशा कॉमेडी चित्रपटात पाहणं त्याच्या चाहत्यांना नक्कीच आवडेल.
विकी कौशल याआधी राझी, संजू, भूत यांसारख्या चित्रपटातून प्रेक्षकांच्या भेटीला आला होता. मिस्टर लेलेमध्ये त्याची भूमिका नक्की झाल्यास धर्मा प्रोडक्शनसोबत त्याचा हा तिसरा चित्रपट असणार आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.