भारताचा माजी कर्णधार महेंद्रसिंग धोनीने त्याच्या प्रोडक्शन हाऊस धोनी एंटरटेनमेंटच्या बॅनरखाली चित्रपट निर्मितीमध्ये धमाकेदार एंट्री केली आहे. धोनीच्या निर्मिती खाली बनत असलेल्या पहिल्या चित्रपटाचं नावही समोर आलं आहे.

या चित्रपटात दक्षिणेतील प्रसिद्ध कलाकार दिसणार आहेत. धोनीच्या चित्रपटात हरीश कल्याण आणि इवाना मुख्य भूमिकेत दिसणार आहेत. या चित्रपटाचे दिग्दर्शन रमेश थमिलमनी करणार आहेत. 'लेट्स गेट मॅरीड' हे नाव असलेला हा चित्रपट धोनी एन्टरटेन्मेंट कंपनीचा एक मोठा ड्रीम प्रोजेक्ट असल्याच त्याने सांगितलं आहे.

लेट्स गेट मॅरीड या चित्रपटाचा फर्स्ट लूक पोस्टर नुकतच समोर आलं आणि काही वेळातच सोशल मीडियावर व्हायरल झाले आहे.

MS धोनी लेट्स गेट मॅरीडचा फर्स्ट लुक त्याच्या फेसबुकवर शेअर केला आहे. धोनीने हे पोस्टर शेअर करत कॅप्शनमध्ये लिहिलयं की , "#LGM - लेट्स गेट मॅरीडच्या पहिल्या लूक पोस्टर रिव्हिल करताना आनंद झाला. एका चांगल्या कौटुंबिक मनोरंजनासाठी सज्ज व्हा जे तुमच्या चेहऱ्यावर हसू फुलवेल! संपूर्ण टीमला शुभेच्छा. धोनी एंटरटेनमेंट प्रायव्हेट लिमिटेड."

या पोस्टरमध्ये नायक हरीश कल्याण, नायिका इवाना आणि ज्येष्ठ अभिनेत्री नादिया लग्नाच्या नादात अडकलेले दिसत आहेत. हा चित्रपट रमेश थमिलमनी दिग्दर्शित करत असून हा एक फुल कॉमेडी मनोरंजनाचा तडका असल्याचे सांगण्यात येत आहे. या चित्रपटात योगी बाबू आणि आरजे विजय यांच्याही महत्त्वाच्या भूमिका आहेत.

धोनी या चित्रपटाचे पोस्टर रिलिज करताच त्याच्या चाहत्यांनी त्यावर अभिनंदनाचा वर्षाव केला आहे. त्याचबरोबर हा चित्रपट सुपरहिट होणार असल्याची हमीही धोनीला दिली आहे. MS धोनीची फॅन क्रेझ किती आहे हे काही वेगळ सांगायची गरज नाही त्यामुळे याचा फायदा नक्कीच त्याच्या आगामी चित्रपटाला होईल हे नक्कीच