Tv Entertainment News: टीव्ही मनोरंजन विश्वामध्ये लोकप्रियतेचं शिखर गाठणाऱ्या मालिकांमध्ये शक्तिमानचे नाव घेतले जाते. त्या मालिकेमध्ये मुकेश खन्ना यांनी महत्वाची भूमिका केली होती. मुकेश खन्ना हे नेहमीच त्यांच्या (Mukesh Khanna) वेगवेगळ्या वक्तव्यांवरुन चर्चेत राहणारे सेलिब्रेटी आहे. सोशल मीडियावरुन ते राजकीय, सामाजिक परिस्थितीवर परखडपणे काही वक्तव्यं (Tv Serial Shaktiman) करत असतात. मात्र आता त्यांनी जे वक्तव्य केलं आहे त्यामुळे त्यांच्यावर टीका होताना दिसत आहे. त्यांनी थेट मुलींच्या सेक्स लाईफवर टोकाचं विधान केलं आहे. त्यामुळे मुकेश खन्ना ट्रोल होताना दिसत आहे.

यापूर्वी देखील वेगवेगळ्या सेलिब्रेटींवर मुकेश खन्ना यांनी आगपाखड केली (Viral Social media news) आहे. सरकारवर टीका करणाऱ्या सेलिब्रेटींना देखील मुकेश खन्ना यांनी धारेवर धरले होते. मुकेश खन्ना यांचा एक व्हिडिओ व्हायरल झाला आहे. त्यामध्ये त्यांनी मुलींच्या लैंगिक आयुष्यावरुन केलेलं विधान नेटकऱ्यांचे लक्ष वेधून घेताना दिसत आहे. मुकेश खन्ना यांनी त्यांच्या युट्युबवरील चॅनेलच्या माध्यमातून चाहत्यांशी संवाद साधला आहे. यावेळी त्यांनी बोलताना एक अजबच वक्तव्य केलं आहे. यामुळे त्यांच्यावर सोशल मीडियावरुन मोठ्या प्रमाणात टीका होत आहे.

आपल्या त्या व्हिडिओमध्ये मुकेश खन्ना म्हणतात की, समजा एका मुलगी दुसऱ्या एका मुलासोबत लैंगिक संबंध ठेवण्याची इच्छा व्यक्त करते तर तिला तुम्ही काय म्हणाल, मुकेश खन्ना यांनी यावेळी वापरलेल्या शब्दांवरुन त्यांना टीकेचा सामना करावा लागला आहे. नेटकऱ्यांनी त्यांना तुम्हाला अशाप्रकारे प्रतिक्रिया देण्याचा काय अधिकार असे म्हटले आहे. यापूर्वी देखील शक्तिमान फेम मुकेश खन्ना यांनी अशाच प्रकारचे टोकाचे वक्तव्य करुन वेगळ्याच चर्चेला तोंड फोडले होते. लोकांनी अशा प्रकारच्या चर्चांमध्ये पडू नये असेही मुकेश खन्ना म्हटले आहे.

जर एखादी मुलगी एखाद्या मुलाला स्वताहून लैंगिक संबंध ठेवण्यावरुन विचारत असेल तर तुम्ही त्या मुलीप्रती काय विचार कराल, कोणतीही मुलगी अशाप्रकारची मागणी करु शकत नाही. तेव्हा आपण एक जागरुक नागरिक म्हणून काही गोष्टींचा विचाक करणं गरजेचं आहे. यावर एका नेटकऱ्यानं मुकेश खन्ना यांना म्हटलं आहे की, सॉरी शक्तिमान मात्र यावेळी तुम्ही दिलेली प्रतिक्रिया आवडली नाही. तुम्ही तुमची रुढीवादी विचारसरणी कायम ठेवली आहे.