मुंबई : ना. धों. महानोर यांच्या निधानानं महाराष्ट्रानं मोठा साहित्यिक आणि कवी गमावला आहे. त्यामुळं विविध क्षेत्रातून त्यांच्या निधनावर प्रतिक्रिया येत आहेत. ज्येष्ठ नेते आणि महानोर यांचे निकटवर्तीय मित्र असलेले शरद पवार यांनी देखील सोशल मीडियावर दीर्घ पोस्ट लिहित त्यांच्या आठवणींना उजाळा दिला आहे. एका रानकवीचं पावसाळ्यातच निधनं व्हावं, हा योग मनाला चटका लावणारा असल्याचं त्यांनी म्हटलं आहे. (N D Mahanor Sharad Pawar is emotional with memories write a log post)

शरद पवारांची भावनिक पोस्ट

पवार म्हणतात, "माझे जवळचे मित्र आणि महाराष्ट्राचा रानकवी ना. धो. महानोर यांच्या निधनाने मला अतिशय दुःख झालं आहे. औरंगाबाद जिल्ह्यातील पळसखेड खेड्यात गरीब शेतकरी कुटुंबात जन्मलेल्या ना. धों. याचं बालपण कष्टात गेलं पण कष्ट झेलताना त्यांचं संवेदनशील मन रानात रमलं. तिथेच त्यांच्या सर्जनशीलतेला धुमारे फुटले. ना. धो. यांच्या कवितांनी रानातल्या कविता, पावसाळी कवितांनी, जैत रे जैत सारख्या अनेक चित्रपट गीतांनी मराठी माणसांच्या मनावर गारूड केलं. (Latest Marathi News)

वृक्ष उन्मळून पडला

ना. धों. ची विधान परिषदेतील भाषणं देखील माणसाच्या काळजाचा ठाव घेत असतं. ते खूपच हळवे होते, पत्नीच्या निधनानं ते आणखी खचले. मी, प्रतिभा त्यांच्या खचलेल्या मनाला उभारी देत राहिलो. पण अखेर हा वृक्ष उन्मळून पडला. ना. धो. चं निधन देखील पावसाळ्याच्या दिवसांत व्हावा हा योग मनाला चटका लाऊन जाणारा आहे. मी आणि माझ्या कुटुंबियांतर्फे या मृदू मनाच्या निसर्गकवीला श्रद्धांजली अर्पण करतो" (Marathi Tajya Batmya)