नाळ 2 सिनेमाचा पहिला टीझर काही दिवसांपुर्वी प्रेक्षकांच्या भेटीला आला. नाळ 2 सिनेमाच्या पहिल्या टीझरने प्रेक्षकांच्या मनात उत्सुकता चाळवली गेली. याशिवाय काही दिवसांपुर्वी नाळ 2 मधलं भिंगोरी हे पहिलं गाणं प्रेक्षकांच्या भेटीला आलं. आता नाळ 2 चा दुसरा टीझर प्रेक्षकांच्या भेटीला आलाय. हा टीझर पाहून जितेंद्र जोशीने प्रतिक्रिया दिलीय ती चर्चेत आहे.

(naal 2 teaser out now marathi actor jitendra joshi)

नाळ 2 चा टीझर

नाळ 2 चा टीझरमध्ये पाहायला मिळतंय की, चैत्या त्याच्या आईसोबत दिसून येतो. छोट्या चैत्या आता मोठा झालाय. तो आईच्या गावच्या घरी आलेला दिसतोय. चैत्या सायकल घेऊन उभा असतो. आई त्याच्याकडे कौतुकाने पाहत असते.

चैत्याच्या सायकलच्या मागे आई बसते. चैत्या आईला घेऊन सायकल चालवायला लागतो. नाळ 2 चा दुसरा टीझर प्रेक्षकांच्या भेटीला आला आणि पुन्हा एकदा प्रेक्षकांचं मन जिंकलंय.

नाळ 2 चा टीझर पाहून जितू म्हणाला...

नाळ 2 चा टीझर पाहून अभिनेता जितेंद्र जोशीने लिहीलंय की, "ती चैतू सोबत बोललीच नाही त्यामुळं मला लई राग आला होता तिचा.. चैतु पहात राहिला आणि मी रडत ..
आता मोठा झालाच आहे तर बोल गं बाई त्याच्याशी.. खूप खूप शुभेच्छा मित्रांनो..
पहिल्या भागाच्या आठवणींचा खजिना मोठा चैत्या पुन्हा उलगडणार,
येत्या दिवाळीत नात्यांची नाळ अजून घट्ट होणार!"

नाळ 2 ची रिलीज डेट

नाळ 2 मध्ये नागराज मंजुळे, श्रीनिवास पोकळे, दिप्ती देवी, देविका रफ्तरदार असे कलाकार प्रमुख भुमिकेत आहेत. हा सिनेमा १० नोव्हेंबरला प्रेक्षकांच्या भेटीला येणार आहे.