गेल्या वर्षभरात RRR 'या चित्रपटात 'नाटू नाटू' या गाण्याने धुमाकूळ घातला आहे. आता सध्या मनोरंजन विश्वात एकच चर्चा आहे ती एसएस राजामौली दिग्दर्शित 'आरआरआर' या चित्रपटाची.. या चित्रपटाने पुन्हा इतिहास रचला आहे. राम चरण आणि ज्युनियर एनटीआर स्टारर आरआरआर चित्रपटातील 'नाटू नाटू' या गाण्याला गोल्डन ग्लोब पुरस्कार मिळाला आहे.

या गाण्याचे बोल तर सगळ्यांच्या हृदयाला भिडले आहे.‌ या गाण्यातील नृत्याने देखील सगळ्यांनाच वेड लावले. या गाण्याच्या हुक स्टेपनेही सर्वांनाच वेड लावलं. इतक्या एनर्जीनं हे गाणं तयार केलं तर या गाण्याला कोरिओग्राफर करणाऱ्या प्रेम रक्षित यांच्यावरही एक नजर टाकूया..

प्रेम रक्षित यांनीच 'नाटू नाटू' गाण्याच्या धमाकेदार डान्स स्टेप्सची कोरिओग्राफी केली होती, ज्याने सर्वांना थक्क केले. ज्यांनी हे गाणं पाहिलं त्या प्रत्येकाला त्यावर नाचायला आणि त्याची हुकस्टेप कॉपी करायला भाग पाडलं.या गाण्यांमध्ये ज्युनियर एनटीआर आणि राम चरण या जोडीने तर धुराडाच केला होता पण या गाण्याच्या स्टेप्सच्या मागे असलेली खरी व्यक्ती आहे ती म्हणजे प्रेम रक्षित

हेही वाचा - या महामार्गामुळं खरंच येईल 'समृद्धी'?

आतापर्यंत प्रेम रक्षितने सर्वोत्कृष्ट नृत्यदिग्दर्शनासाठी चारहून अधिक फिल्मफेअर पुरस्कार जिंकले आहेत. प्रेम रक्षितच्या मागील चित्रपटांबद्दल बोलायचे झाल्यास या यादीत 'रंगस्थलम', बाहुबली 2, मेर्सल आणि तमिळ आणि तेलगूमधील काही सर्वात हिट चित्रपट आहेत.

त्यांनी त्यांच्या कारकिर्दीत सिनेमा एमए अवॉर्ड्स, फिल्मफेअर अवॉर्ड्स साउथ, संतोषम अवॉर्ड, सर्वोत्कृष्ट नृत्यदिग्दर्शकाचा नंदी अवॉर्ड, संतोषम अवॉर्ड इत्यादी अनेक पुरस्कार जिंकले आहेत.