National Cinema Day: राष्ट्रीय चित्रपट दिनाच्या निमित्तानं एक मोठा निर्णय घेण्यात आला होता. तो म्हणजे यादिवशी प्रेक्षकांना अवघ्या 75 रुपयांमध्ये चित्रपट पाहता येणार होता. कोणताही चित्रपट त्यांना 75 रुपयांच्या तिकिटामध्ये (bollywood movies) पाहण्याची सोय होती. या अभिनव उपक्रमाला प्रेक्षकांचा मोठा प्रतिसाद मिळाल्याचे दिसून आले आहे. यादिवशी थिटएरमध्ये आलेल्या प्रेक्षकांचा आकडा ऐकून धक्का बसल्याशिवाय राहणार नाही. देशातील वेगवेगळ्या राज्यांमध्ये या नॅशनल फिल्म डे साजरा करण्यात आला आहे.

द मल्टिप्लेक्स असोशिएशन ऑफ इंडिया (एमएआय) कडून एक मोठी आकडेवारी (MAI) समोर आली आहे. त्यांनी दिलेल्या माहितीनुसार नॅशनल फिल्म डेच्या दिवशी देशातील तब्बल 6.5 मिलियन प्रेक्षकांनी थिएटरमध्ये चित्रपट पाहण्याचा आनंद घेतला आहे. ही मोठी आनंदाची आणि अभिमानाची बाब मानली जात आहे. देशातील एकुण चार हजारांहून अधिक स्क्रिनवर चित्रपट पाहिला गेल्याचे सांगण्यात आले आहे. दोन वर्षांपूर्वी कोरोनाच्या प्रभावामुळे चित्रपटगृहे ओस पडली होती. आता कुठे प्रेक्षक थिएटरमध्ये जात असताना त्यांना नॅशनल फिल्म डेच्या निमित्तानं पुन्हा एकदा वेगळ्या अनुभवाचा आनंद घेता आला आहे.

देशातील पीव्हीआर, आयनॉक्स, सिनेपोलिस, कार्निव्हल, मिराज, सिटीप्राईड, मुक्ता ए 2, मुव्ही टाईम, वेव, एम टू के. डिलाईट यांच्याशिवाय आणखी काही महत्वाच्या सिनेवितरकांनी थिएटरमध्ये प्रेक्षकांचा मोठा प्रतिसाद मिळाल्याचे सांगितले आहे. 65 लाख प्रेक्षकांनी केलेली गर्दी ही मोठी बाब मानावी लागेल. तिकिट दर कमी करणे यामागील हेतू असा की, प्रेक्षकांनी थिएटरमध्ये यावे. चित्रपटाचा आनंद घ्यावा. हा होता. त्याला मोठा प्रतिसाद मिळाला आहे.

23 सप्टेंबर हा नॅशनल फिल्म डे म्हणून साजरा कऱण्यात आला . यादिवशी प्रेक्षकांची सर्वात मोठी गर्दी थिटएरमध्ये दिसून आली. प्रेक्षकांनी दिलेल्या तुफान प्रतिसादाचे सगळीकडे कौतूक होत आहे. प्रेक्षकांनी देखील अशाप्रकारचे वेगवेगळे उपक्रम साजरे केले जावेत असे म्हटले आहे.