Rhea Chakraborty: बॉलिवूडचा लोकप्रिय आणि टॅलेंटेड अभिनेता सुशांत सिंग राजपूत यांच्या मृत्यूला आता जवळपास तीन वर्ष झाले आहेत तरी देखील त्याच्या मृत्यूचं कारण समजू शकलेलं नाही. 14 जून 2020 रोजी मुंबईतील त्याच्या घरी मृतावस्थेत आढळला होता. त्याच्या निधनाने संपूर्ण इंडस्ट्री हादरली. सुशांत सिंह राजपूत प्रकरणात ३ वर्षांनंतर नवा ट्विस्ट येताना दिसत आहे.

या प्रकरणी सुशांतची गर्लफ्रेंड आणि अभिनेत्री रिया चक्रवर्ती आणि त्याचा फ्लॅटमेट सिद्धार्थ पिठानी यांना अटक करण्यात आली होती. अनेक दिवस त्यांना तुरुंगात टाकण्यात आले होते. मात्र काही दिवसांनी त्यांची जामिनावर सुटका करण्यात आली होती.

आता नार्कोटिक्स कंट्रोल ब्युरो (NCB)ने सुप्रीम कोर्टाला सांगतिले की, ड्रग्जशी संबंधित चौकशीच्या संदर्भात रियावर नोंदवलेल्या खटल्यांमध्ये मुंबई उच्च न्यायालयाने रियाला दिलेल्या जामिनाला NCB आव्हान देणार नाही.

मंगळवारी अतिरिक्त सॉलिसिटर जनरल एसव्ही राजू यांनी न्यायमूर्ती एएस बोपण्णा आणि एमएम सुंदरेश यांच्या खंडपीठाला सांगितले की, एनसीबी जामिनाला आव्हान देत नाही, परंतु एनडीपीएस) कायद्याच्या कलम 27-ए अंतर्गत या संदर्भात हा केस खुला ठेवावा.

रिया चक्रवर्तीला जामीन देण्याच्या मुंबई उच्च न्यायालयाच्या ऑक्टोबर 2020 च्या आदेशाविरुद्ध एनसीबीच्या याचिकेवर न्यायालय सुनावणी करत होते.

NCB ने रियावर अंमली पदार्थ आणि सायकोट्रॉपिक सबस्टन्स (NDPS) कायद्याच्या कठोर कलम 27-A अंतर्गत गुन्हा दाखल केला होता. यात "बेकायदेशीर अंमली पदार्थांच्या तस्करीस मदत करण्यास प्रोत्साहन देणे" यासाठी 10 वर्षांपर्यंत तुरुंगवास आणि जामिनावर बंदी घालण्याची तरतूद होती.

मात्र अंमली पदार्थांच्या व्यवहारासाठी पैसे देणे म्हणजे अंमली पदार्थांची तस्करी होत नाही, असं उच्च न्यायालयाने नमूद करत रियाला जामिन मंजूर केला होता.

या निर्णयानंतर रिया चक्रवर्ती हिला दिलासा मिळाल्याचं बोललं जात आहे. त्यानंतर तिने तिच्या इन्स्टाग्राम स्टोरीजवर एक व्हिडिओ शेअर केला आहे. या व्हिडिओत ती स्मितहास्य करतांना दिसत आहे. तिने हात फोल्डिंग इमोजीसह 'कृतज्ञता' असं कॅप्शन दिलं आहे.